Nebiti eksport edýän ýurtlaryň guramasynyň we onuň ýaranlarynyň nebitiň çykarylmagyny günde 1 million barrele çenli azaltmagy meýilleşdirýändigi baradaky habardan soň çig nebitiň bahasy birden ýokarlandy. Bu barada Investing.com maliýe platformasy habar berýär.
Türkmenbaşy Halkara deňiz porty ýörite gümrük düzgüninde ýük saklamak üçin ygtyýarnama aldy. Bu hyzmat portuň çäginde dürli ýükleri we harytlary, hasaba almazdan we gümrük paçlaryny töletmezden, 3 ýyla çenli saklamaga mümkinçilik berýär.
1-nji oktýabrda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory, Ykdysady hyzmatdaşlyk boýunça Hökümetara belorus-türkmen toparynyň türkmen tarapyndan başlygy Mämmethan Çakyýew Belarusuň ilçisi Wýaçeslaw Beskosty bilen duşuşdy.
Pakistanyň premýer-ministri Şahbaz Şarif ýurduň ýurduň Türkmenistan-Owganystan-Pakistan-Hindistan (TOPH) gazgeçirijisiniň taslamasynyň öz wagtynda tamamlanmagyna ygrarlydygyny aýtdy.
Türkmenistan Hytaý barha ösýän ykdysadyýetiniň energiýa zerurlyklaryny kanagatlandyrmak maksady bilen Hytaýa gaz ibermegi artdyrmak boýunça iş alyp barýar – diýip, türkmen parlamentiniň ýokarky palatasynyň başlygy Gurbanguly Berdimuhamedow nygtady.
Owganystanyň Söwda-senagat Ministrligi Gazagystan, Türkmenistan hem-de Eýran bilen bugdaý we nebit önümlerini ýurduň bazaryna import etmek barada şertnamalara gol çekmegi meýilleşdirýär. Şu gün, şenbe güni habar berýär Tolonews.
"Türkmengaz" döwlet konserni suwuklandyrylan gazyň önümçiligini ýokarlandyrmak üçin maddy-tehniki enjamlary we serişdeleri satyn alar. Bu karara anna güni Prezident Serdar Berdimuhamedow Ministrler Kabinetiniň mejlisinde gol çekdi diýip, TDH ýazýar.
Türkmenistanda dürli görnüşli plastik kartoçkalaryň öümçiligi ýola goýlup biliner. Bu ýokary tehnologiýaly maglumat göterijileriň ulanyş gerimi örän giň we ösmegini dowam etdirýär, isleg bolsa – teklip döreýär, hut şu teklibi wise-premýeriň orunbasary Çarymyrat Purçekow anna güni geçirilen hökümet ýygnagynda beýan etdi.
Türkmenistanyň Maliýe we ykdysadyýet ministrliginde bäsdeşlik esasynda döwlet emlägini ynançly dolandyrmaga geçirmegiň tertibi taýýarlanyldy. Bu barada anna güni hökümetiň mejlisinde wise-premýer Hojamyrat Geldimyradow hasabat berdi.
Çarşenbe güni, 28-nji sentýabrda Türkmenistanyň Döwlet haryt çig-mal biržasynyň söwdalarynda ýerli telekeçi tekiz reňklenen we žakkard tüýjümek önümleri satyn almak üçin geleşik baglaşdy diýip, ORIENT-iň habarçysy habar berýär.
TAPI Pipeline Company Limited kompaniýasynyň Baş direktory Muhammetmyrat Amanow TOPH taslamasynyň dolandyryş komitetiniň ýygnagynyň ýakyn wagtda Aşgabatda geçiriljekdigini habar berdi – diýip, Pajhwok habarlar agentligi habar berýär.
Prezident Serdar Berdimuhamedow 23-nji sentýabrda Aşgabatda geçirilen Döwlet geňeşiniň mejlisinde: "Biz ulag we aragatnaşyk pudagyna halk hojalygynyň intensiw ösýän we geljegi uly pudagy hökmünde aýratyn üns berýäris" – diýdi.
Anna güni 23-nji sentýabrda Türkmenistanyň Döwlet haryt çig-mal biržasynyň söwdalarynda umymy bahasy $1,6 million we 11,5 million manat bolan 3 geleşik baglaşyldy diýip, ORIENT-iň habarçysy habar berýär.
Türkmenistanyň Döwlet Maslahatynda Prezident Serdar Berdimuhamedow ählumumy häsiýete eýe bolan we şol sanda koronawirus pandemiýasy bilen baglanyşykly emele gelen maliýe-ykdysady çökgünligi aradan aýyrmak maksady bilen görlen çäreleriň üstünlikli bolandygyny aýtdy.
Penşenbe güni 22-nji sentýabrda Türkmenistanyň Döwlet haryt çig-mal biržasynyň söwdalarynda umymy bahasy $5 million we 396 müň manat bolan 7 geleşik baglaşyldy diýip, ORIENT-iň habarçysy habar berýär.
