TDHÇMB-niň söwdalary: uçar kerosini, polietilen we tehniki kükürt islegden peýdalandy
Anna güni 23-nji sentýabrda Türkmenistanyň Döwlet haryt çig-mal biržasynyň söwdalarynda umymy bahasy $1,6 million we 11,5 million manat bolan 3 geleşik baglaşyldy diýip, ORIENT-iň habarçysy habar berýär.
Täjigistanyň işewüri umumy bahasy $1,6 million bolan TS-1 görnüşli uçar kerosininiň 1,6 müň tonnasyny satyn aldy. Harydyň bir tonnasynyň bahasy $1 062 derejesinde ylalaşyldy.
Içerki bazarda ýerli telekeçiler Т60-475-119 görnüşli ýokary dykyzlykly polietileniň 44 tonnasyny 793 müň manada, şeýle hem 10,7 million manada külkelenen tehniki kükürdüň 5 müň tonnasyny satyn almak üçin geleşikleri baglaşdylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
