Türkmenistan we Belarus Hökümetara toparynyň 10-njy mejlisini geçirer
1-nji oktýabrda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory, Ykdysady hyzmatdaşlyk boýunça Hökümetara belorus-türkmen toparynyň türkmen tarapyndan başlygy Mämmethan Çakyýew Belarusuň ilçisi Wýaçeslaw Beskosty bilen duşuşdy.
Taraplar ikitaraplaýyn gün tertibiniň meselelerini, şol sanda Hökümetara toparynyň 10-njy mejlisine taýýarlyk görlüşini giňişleýin ara alyp maslahatlaşdylar. Söwda-ykdysady hyzmatdaşlygynyň depginlerini hem-de ulag ulgamynda gatnaşyklary işjeňleşdirmäge taýýarlyk tassyklanyldy.
Ozal “Türkmenistan” awiakompaniýasy tarapyndan oktýabrda Aşgabat-Minsk-Türkmenabat ugry boýunça howa arkaly göni ýolagçy gatnawynyň täzeden dikeldiljekdigi habar berlipdi. Şu aýda hem “Belawia” Belarusdan Türkmenistana we yzyna howa arkaly gatnawy täzeden dikelder.
ORIENT news
