TDHÇMB-niň söwdalary: uçar kerosini, polipropilen we tüýjümek önümler geleşikleriň esasy ugurlary boldy
Penşenbe güni 22-nji sentýabrda Türkmenistanyň Döwlet haryt çig-mal biržasynyň söwdalarynda umymy bahasy $5 million we 396 müň manat bolan 7 geleşik baglaşyldy diýip, ORIENT-iň habarçysy habar berýär.
Wirginiýa adalarynyň wekili umymy bahasy $4,3 million bolan ТS-1 görnüşli uçar kerosininiň 4,4 müň tonnasyny satyn aldy. Nebit önüminiň bahasyny bir tonnasyna $984 bilen bahalandyrdylar.
Türkiýaniň, Özbegistanyň hem-de Owganystanyň işewürleri umumy bahasy $488,4 müň bolan TPP Z 30 görnüşli polipropileniň jemi 400 tonnasyny satyn almak üçin geleşikleri baglaşdylar. Olar harydyň her bir tonnasyna $1 221 hödürlediler.
Azerbaýjanyň telekeçisi dürli görnüşli tüýjümek önümleriniň 44 müň tonnasyny $242 müň almak üçin şertnama gol çekdi.
Içerki bazarda ýerli telekeçi T60-475-119 görnüşli ýokary dykyzlykly polietileniň 22 tonnasyny 396 müň manada satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: freepik.com
