Türkmenistanyň Delidäki ilçisi Şalar Geldinazarow, Hindistanyň Daşary işler ministrliginiň goldawy bilen Hindi Söwda-senagat palatasy tarapyndan gurnalan «Merkezi Aziýa sebitindäki işewürlik mümkinçilikleri» atly işewürlik forumyna gatnaşdy.
Türkmenistan Deňze çykalgasy bolmadyk ösüp barýan döwletleriň 2014 — 2024-nji ýyllar üçin Hereketleriň Wena Maksatnamasyna syn bermeklige bagyşlanan ýokary derejeli Dialoga gatnaşýar. 22-23-nji awgustda Taýlandyň Bangkok şäherinde geçirilýän bu çäre BMG-niň wekillerini, Ýewropanyň Ykdysady Komissiýasynyň, Aziýa we Ýuwaş ummany üçin Ykdysady we Durmuş Komissiýasy (ESCAP) ýaly guramalaryň, şeýle hem Ýewraziýa sebitiniň ýurtlarynyň döwlet edaralarynyň ýolbaşçylaryny bir ýere jemledi.
Milli Eýran Gaz Kompaniýasynyň (NIGC) baş direktory, Ýewropa döwletleriniň Eýran bilen Türkiýäniň üsti bilen gaz import etmek barada gepleşik geçirendigini beýan edip, gepleşikleriniň entek üstünlikli bolmandygyny aýtdy diýip Mehr agentligi duşenbe güni habar berdi.
Owganystan ilkinji gezek Haritan portunyň üsti bilen Russiýa 2000 ýaşşik täze üzüm eksport etdi diýip, ýekşenbe güni Demirgazyk Balh welaýatynyň Söwda palatasy habar berdi.
Şu ýylyň ýanwar-iýul aýlarynda Hytaýa türkmen gazynyň üpjünçiliginiň mukdary takmynan 10 göterim ýokarlandy.
"Türkmengaz" DK-niň wekiliýeti söwda we ykdysady hyzmatdaşlygy ýola goýmak meselelerini ara alyp maslahatlaşmak maksady bilen Daşkendiň "Tehnopark" kärhanasyna baryp gördüler.
Täjigistan Respublikanyň gündogaryndaky Gorno-Badahşan awtonom welaýatynda ýoluň gurulmagy we durkunyň täzelenmegi üçin 227 million dollar bölünip berler. Bu ýol Hytaýdan Ýewropa çenli ulag geçelgesiniň bir bölegine öwrüler.
Sinszýan-Uýgur awtonom etrabynyň paýtagty Urumçide "Ýüpek ýolunyň ruhuny wagyz etmek, ýewraziýa hyzmatdaşlygyny güýçlendirmek" ady bilen halkara sergisi açyldy.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň "Türkmenaragatnaşyk" agentligi we Koreýa Respublikasynyň "LC Cable & System" kompaniýasy hyzmatdaşlyk boýunça gepleşikleri geçirdiler. Onda bilelikdäki taslamalary durmuşa geçirmegiň meseleleri ara alnyp maslahatlaşyldy diýip, ýurdumyzyň Koreýa Respublikasyndaky ilçihanasy habar berýär.
Deňiz söwda floty Türkmenbaşy Halkara portuna girýän daşary ýurt gämilerine bukkerleme hyzmatyny, ýagny diňe gämi duralgalarynda däl, eýsem reýdlerinde hem dizel ýangyjyny guýma hyzmatyny hödürleýär.
Iri maýa goýum forumy dekabr aýynda Bakuda 100 töweregi ýurtdan 500-den gowrak kompaniýanyň wekillerini birleşdirer. Azerbaýjan françaýzing assosiasiýasy (FAA) tarapyndan gurnalýan Turan-Ykdysady forumy syýahatçylyk pudagyna halkara maýa goýumlaryny çekmäge gönükdirilendir – diýip, AzerNews habar berýär.
“Türkmenergo” döwlet korporasiýasy we Owganystanyň “DABS” kompaniýasy Gerat sebitindäki Nur al-Jihad elektrik paýlaýjy bekedi arkaly elektrik energiýasyny ibermek hakynda bilelikdäki Teswirnama gol çekdiler. Gol çekişlik dabarasyna türkmen tarapyndan resmi wekiller hökmünde korporasiýanyň tehniki we halkara taslamalar bölümleriniň wekilleri, owgan tarapyndan bolsa, kompaniýanyň baş direktory gatnaşdy.
Türkmen telekeçisi Arslan Garajaýew daýhanlara we ekerançylara “Nourivit Plus” tehnologiýasy boýunça öndürilen organiki dökünleri hödürleýär. Ol Ahal welaýatynda ýerleşýän kärhanada topraga suwuk görnüşdäki organiki goşundylary öndürip başlady. Mikroorganizm medeniýeti bilen utgaşyklykda Nourivit Plus tebigy mineral goşundysy topragyň ýaramaz şertlerinde-de ekin hasylyny ep-esli ýokarlandyrýar.
Hytaý Halk Respublikasynyň Sinszýan-Uýgur awtonom sebitiniň Urumçi şäherinde Hytaý – Ýewraziýa haryt-çig mal sergisi geçiriler. 17 – 21-nji awgustda geçiriljek halkara sergä Merkezi Aziýa döwletleriniň degişli wekilleri hem gatnaşar.
Gazagystanyň Milli banky tarapyndan milli walýutanyň üçünji täze görnüşi - sanly teňňe girizildi. Respublikada şol bir wagtyň özünde teňňäniň nagt, nagt däl we sanly görnüşleri ulanylar diýip, Sputnik Gazagystanyň Ýokary gözegçilik palatasynyň metbugat gullugyna salgylanyp habar berýär.
