Hytaý – Ýewraziýa haryt-çig mal sergisi geçiriler
Hytaý Halk Respublikasynyň Sinszýan-Uýgur awtonom sebitiniň Urumçi şäherinde Hytaý – Ýewraziýa haryt-çig mal sergisi geçiriler. 17 – 21-nji awgustda geçiriljek halkara sergä Merkezi Aziýa döwletleriniň degişli wekilleri hem gatnaşar.
Serginiň çäklerinde sebit hyzmatdaşlygyny mundan beýläk hem pugtalandyrmaga, söwda, maýa goýum işini işjeňleşdirmäge gönükdirilen özara maslahatlaşmalaryň, özara duşuşyklaryň we beýleki çäreleriň jemi 33-si geçiriler. Guramaçylaryň bellemegine görä, Beýik Ýüpek ýolunyň ugrundaky ýurtlarda senagaty we söwdany ösdürmäge bagyşlanan seminar oňa gatnaşyjylarda uly gyzyklanma döreder.
Aziýa we Ýewropa döwletleriniň arasynda özara hyzmatdaşlygy ösdürmäge gönükdirilen sergä dünýäniň 1300-den gowrak kompaniýasynyň gatnaşjakdygyny tassyklady. Şolaryň 25-si dünýäniň iň öňdebaryjy 500 kompaniýanyň sanawyndakylardyr.
2015, 2017 we 2021-nji ýyllarda geçirilen sergä häzirki wagta çenli dünýäniň 46 ýurdundan 3700-den gowrak kompaniýa gatnaşdy.
ORIENT news
