Türkmenistan, Körpeje-Gurtguýy gaz geçirijisi arkaly Eýrana tebigy gaz üpjünçiliginiň mukdaryny artdyrmaga taýýardyr. Bu barada, Hökümetara türkmen-eýran ykdysady hyzmatdaşlyk toparynyň egindeş başlyklarynyň - wise-premýer, Türkmenistanyň daşary işler ministri Raşid Meredow bilen Eýranyň ýol we şähergurluşyk ministri Mehrdad Bazrpaşyň arasynda bolan duşuşygyň dowamynda mälim edildi.
Ykdysady hyzmatdaşlyk boýunça Hökümetara türkmen-eýran bilelikdäki toparynyň 17-nji mejlisinde türkmen tarapy Hytaý - Gazagystan - Türkmenistan - Eýran ulag-üstaşyr ugry boýunça ýükleriň geçirilişini işjeňleşdirmegi teklip etdi.
Aşgabatda Ykdysady hyzmatdaşlyk boýunça türkmen-eýran hökümetara toparynyň 17-nji mejlisi geçirildi. Mejlis Toparyň başlyklary - Türkmenistanyň daşary işler ministri R.Meredowyň we Eýran Yslam Respublikasynyň ýol we şähergurluşyk ministri Mehrdad Bazrpaşyň ýolbaşçylygynda geçirildi.
17-18-nji noýabr aralygynda Aşgabatda Ykdysady hyzmatdaşlyk hökümetara türkmen-eýran toparynyň 17-nji mejlisi geçirilýär.
Türkmenistanyň Daşary işler ministri Raşid Meredow Aşgabatda saparda bolýan Birleşen Arap Emirlikleriniň energetika we infrastruktura ministri Suheýl Al-Mazrui bilen duşuşyk geçirdi.
Sebitde takmynan 380 gaz paýlaýyş stansiýasy bolup, olarda üznüksiz tehniki işler alnyp barylýar. Geçirilýän bu çäreler, sarp edilişiň ýokarlanmagy sebäpli gyşda ilaty gaz bilen bökdençsiz üpjün etmäge gönükdirilendir.
2023-nji ýylyň 14-nji noýabrynda Türkmenistan 1998-nji ýylyň sentýabr aýynda Bakuda kabul edilen Ýewropa-Kawkaz-Aziýa Halkara ulag geçelgesini ösdürmek baradaky esasy köptaraplaýyn Ylalaşyga goşuldy. Bu barada anna güni ýurduň DIM-niň metbugat beýanatynda habar berildi.
Tagtabazar-I ýatagynda (Garabil-Badhyz nebit-gaz sebiti) gündelik akymy 226 müň kub metrden gowrak tebigy gaz bolan täze guýy, senagat akymyny ýüze çykaryldy. Bu aralykda, Galkynyş ýatagyndaky geçirilen buraw işleri gözleg guýusyndan günde 1,7 million kub metr tebigy gazy almaga mümkinçilik berdi.
Türkmenistan we Saud Arabystany Söwda-ykdysady hyzmatdaşlyk boýunça hökümetara toparynyň indiki, 7-nji mejlisini geçirmegiň senesi barada ylalaşdylar.
Hytaý-türkmen hyzmatdaşlyk boýunça komitetiniň ulag we logistika hyzmatdaşlygy baradaky kiçi komitetiniň ilkinji mejlisi penşenbe güni 16-njy noýabr, Pekinde geçirildi. Duşuşykda türkmen wekiliýetine Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew ýolbaşçylyk etdi. Wekiliýetiň düzümi şeýle hem demirýollary, howa, awtoulag, deňiz we derýa ýollary agentlikleriniň we Türkmenistanyň Ulag-logistika merkeziniň wekillerini öz içine aldy.
17-19-njy noýabrda Aşgabatda Eýran Yslam Respublikasynyň «Iran Prože» atly ýöriteleşdirilen sergisi geçiriler.
Russiýa Federasiýasynyň Senagat we söwda ministrliginiň ýolbaşçysy, wise-premýer Denis Manturow žurnalistlere “Aurus” awtoulaglaryny gurnama işleriniň Dubaýdaky önümçilik ýerinde hem başlanandygyny aýtdy. Ilkinji model “Aurus Senat” sedany boldy we geljekde “Komendant” ulagynyň önümçiligine başlanar diýip, TASS habar berýär.
CIIE (Hytaý halk respublikasynyň halkara import sergisi) Hytaýda import edilýän harytlaryň we hyzmatlaryň iň uly halkara sergisidir, Hytaýyň prezidenti Si Szinpiniň başlangyjy bilen 2018-nji ýyldan bäri Şanhaýda her ýyl geçirilýär. CIIE dürli ýurtlardan we pudaklardan gelen sergä gatnaşyjylara önümlerini we hyzmatlaryny hytaýly sarp edijilere we hyzmatdaşlara hödürlemäge, Hytaýyň ykdysadyýetinde we söwdasynda soňky tendensiýalary we täzelikleri öwrenmäge mümkinçilik berýär.
Aşgabat şäheriniň A.Nyýazow şaýolunyň ugrunda täze söwda-dynç alyş we işewürlik merkeziniň gurulmagy meýilleşdirilýär.
Bütindünýä durnukly ulag gününiň öňüsyrasynda, Türkmenistanyň “Türkmendemirýollary” agentligi ýurtduň çäginden ýükleriň üstaşyr geçişiniň wagtynyň täsirli azalýandygyny habar berdi. Multimodal logistikanyň döredilmegi we demir ýol gatnawynyň gowulaşmagy netijesinde ýükleri bir serhetden beýlekisine eltmegiň tizligi 40% ýokarlandy.
