Gyrgyzystanyň Ulag we aragatnaşyk ministrliginiň hem-de Azerbaýjanyň Alat halkara deňiz söwda portunyň ýolbaşçylary özara gepleşikleri geçirdiler. Gyrgyzystan - Özbegistan - Türkmenistan - Azerbaýjan halkara multimodal ulag geçelgesini ösdürmek ara alyp maslahatlaşmagyň esasy mowzugy boldy.
4 - 7-nji dekabrda Eýranyň paýtagty Tähranyň Merkezi sergi toplumynda 2- nji "EURASIA EXPO-2023" atly halkara sergisi geçiriler. Bu gözden geçirilişe Türkmenistanyň, Russiýa Federasiýasynyň, Pakistanyň, Yragyň, Kuweýtiň, Bahreýniň, Omanyň, Türkiýäniň, BAE-niň, Saud Arabystanynyň, Hytaýyň, Hindistanyň, Singapuryň, Wýetnamyň, Azerbaýjanyň, Belarusyň, Özbegistanyň, Ermenistanyň, Gazagystanyň, Gyrgyzystanyň we Täjigistanyň wekiliýetleriniň gatnaşmagyna garaşylýar.
Daşarky bazarda Ukraina döwletiniň işewürleri "Türkmenhimiýa" Döwlet konserninden "B" kysymly karbamid satyn almak barada geleşik baglaşdylar.
Türkmenistanda raýat awiasiýasynyň awiasiýa howpsuzlygyny üpjün etmegiň Döwlet maksatnamasy tassyklanylar. Şeýle hem Türkmenistanyň raýat awiasiýasynyň awiasiýa howpsuzlygy boýunça pudagara topary dörediler.
100-e golaý türk kompaniýasy 6 — 8-nji dekabry aralygynda Aşgabatda geçiriljek Ykdysady hyzmatdaşlyk boýunça hökümetara türkmen-türk toparynyň ýedinji mejlisine, Türkiýe Respublikasynyň eksport harytlarynyň sergisine hem-de onuň çäklerinde Türkmen-türk işewürlik maslahatyna gatnaşar.
27-30-njy noýabr aralygynda Aşgabatda Türkmenistanyň Bütindünýä Söwda Guramasyna (BSG) goşulmagy we söwdany goramak çäreleri barada seminar geçirildi.
Russiýa bilen Türkmenistanyň arasyndaky söwda dolanyşygy şu ýyl 11,6% ýokarlandy. Rus-türkmen işewürler geňeşiniň ýerine ýetiriji direktory Mihail Rumýantsew - bu ägirt uly üstünlik diýip, belledi. Onuň sözlerine görä, bu görkezijiniň ösmegine Türkmenistanyň üsti bilen Eýrandan Russiýanyň dürli sebitlerine ýük daşalşynyň 125,8% ýokarlanmagy täsir edýär we bu görkezijini ýokarlandyrmak üçin ägirt uly mümkinçilikler bardyr. Ol bu barada Russiýanyň G.W. Plehanow adyndaky Ykdysadyýet uniwersiteti tarapyndan gurnalan 4-nji Halkara daşary ykdysady forumda Demirgazyk - Günorta halkara ulag geçelgesine bagyşlanan "Işewürlik üçin kynçylyklar we çözgütler: başarnyklaryň sinergiýasy"-da çykyş etdi. Bu barada “RŽD-hyzmatdaş” ýazýar.
29-njy noýabrda Türkmenistanyň Döwlet haryt çig-mal biržasynda içerki we daşarky bazara nebithimiýa, oba hojalygyň, ýeňil senagatyň önümleri we el halylary satyldy.
2023-nji ýylda Hytaýyň dünýäde iň iri awtoulag eksportçysy bolmagyna garaşylýar diýip, China daily habar berýär.
2023-nji ýylyň 28–29-njy noýabry aralygynda Tbilisi şäherinde Gruziýanyň hökümeti bilen Aziýa ösüş banky (ADB) bilelikde gurnamagynda «Merkezi Aziýa sebitleýin ykdysady hyzmatdaşlyk (CAREC)» maksatnamasynyň çäklerinde energetika ugry boýunça maýa goýum forumyna Türkmenistanyň Energetika ministriniň orunbasary S.Saparowyň ýolbaşçylygyndaky türkmen wekiliýet gatnaşdy.
Çarşenbe güni, 29-njy noýabrda Aşgabatda Hyzmatdaşlyk boýunça türkmen-hytaý hökümetara toparynyň 6-njy mejlisi geçirildi. Türkmen tarapyna wise-premýer, daşary işler ministri Raşid Meredow, Hytaý tarapyna Hytaý Halk Respublikasynyň Döwlet Geňeşiniň wise-premýeri Din Sýuesýan ýolbaşçylyk etdi.
Saud Arabystanda tanyşdyrylan «Epicon» taslamasyna laýyklykda Gyzyl deňziň Akaba aýlagynyň golaýyndaky çölde futuristik kurort zolagyny gurmak meýilleşdirilýär. Bu maksat bilen deňziň kenarynda adaty bolmadyk beýik binalaryň dueti gurlar.
“Tudana” hususy kärhanasy öz ýöriteleşen ugrunda ýurduň iň uly kärhanasy diýlip atlandyrylyp bilner. Kompaniýa tutuş ýurt boýunça 300 töweregi söwda nokadyna hyzmat edýär we öz önümlerini Gazagystana, Özbegistana hem eksport edýär.
Dostluk ýatagy Hazar deňziniň türkmen we azerbaýjan serhedinde ýerleşýär. Bu ýatakda bilelikde gözleg işini alyp barmak we işlemek boýunça özara düşünişmek hakynda Ähtnama 2021-nji ýylyň ýanwar aýynda gol çekildi.
Mikail Jabbarowyň ýolbaşçylygyndaky azerbaýjan wekiliýetiniň Türkmenistana saparynyň çäklerinde "SOCAR" kompaniýasynyň prezidenti Rawşan Najafyň hem gatnaşmagynda ýurduň Ministrler Kabinetiniň Başlygynyň orunbasary Batyr Amanow we nebit-gaz pudagynyň beýleki ýolbaşçylary bilen duşuşyklarynyň geçirilendigi aýdylýar.
