Birža söwdalaşyklarynda nebithimiýa we ýeňil senagatyň önümleri satyldy
Dekabr 01, 2023 | 10:23 |3576
Türkmenistanyň Döwlet haryt çig-mal biržasynda 30-njy noýabrda geçirilen söwdalaşyklarda içerki we daşarky bazara nebithimiýa we ýeňil senagatyň önümleri ýerlenildi.
Daşarky bazarda Ukraina döwletiniň işewürleri "Türkmenhimiýa" Döwlet konserninden "B" kysymly karbamid satyn almak barada geleşik baglaşdylar.
Içerki bazarda türkmen işewürleri Türkmenistanyň Dokma senagaty ministrliginden boýalan sütükli önümleri, bir we iki orunlyk kreton görnüşli taýýar düşekçe toplumlary, "Türkmenýüpek" ÝGPJ-den çig-ýüpek satyn almak barada geleşik baglaşdylar.
Söwdalaşyklaryň barşynda jemi bahasy 23 million manatdan gowrak we 11,5 million amerikan dollarlyk 4 geleşik baglaşyldy.
ORIENT news
