Prezident Serdar Berdimuhamedow 2024-nji ýylda Türkmenistanyň Döwlet býujetiniň taslamasyny Mejlisiň garamagyna iberdi we anna güni Hökümet mejlisinde degişli resminama gol çekdi.
Ýanwar-oktýabr aýlarynda Türkmenistanyň jemi içerki önüminiň ösüşi 6,3%-e deň boldy. Ýurtda öndürilen önümleriň mukdary 2022-nji ýylyň degişli döwri bilen deňeşdirilende 6,3% ýokarlandy.
Türkmenistanyň Pakistandaky ilçisi A.Möwlamow Yslamabadyň kiçi söwdagärler we kiçi senagatçylar edarasynyň prezidenti Sajjad Sarwar we Yslamabadyň söwda-senagat edarasynyň prezidenti Ahsan Zafar Bahtawariniň ýolbaşçylygyndaky wekilýet bilen duşuşyklary geçirdi.
«Türkmen hemrasy» ýapyk görnüşli paýdarlar jemgyýetiniň, Fransiýanyň «Thales Alenia Space France SAS» hem-de «Eutelsat» kompaniýasynyň arasynda gizlinlik we aýan etmezlik barada üçtaraplaýyn Ylalaşyga gol çekildi.
Türkmenistan 5-10-njy noýabr aralygynda Şanhaýda geçirilýän 6-njy Hytaýyň halkara import sergisine öz milli pawiliony bilen gatnaşýar. Uly göwrümli çärede dünýäniň 154 ýurdundan we sebitlerinden 3400 töweregi sergä gatnaşyjylar bar.
Aşgabat şäherinde “Türkmengaz” döwlet konserniniň wekilleri bilen Yrak Respublikasynyň elektroenergetika ministri Ziad Ali Fadeliň ýolbaşçylygyndaky wekiliýetiniň arasynda duşuşyk geçirildi.
Türkmenistanda Birleşen Milletler Guramasynyň Ösüş Maksatnamasy (BMGÖM) Türkmenistanyň Statistika baradaky döwlet komitetiniň (TürkmenStatyň) pudaklaýyn müdirlikleriniň hünärmenleri üçin täze işlenilip taýýarlanylan Statistiki işewür registri (SIR) boýunça programma üpjünçiliginiň işleýşi boýunça okuw gurady.
Ykdysady hyzmatdaşlyk we ösüş guramasynyň Ýewraziýa müdiriýetiniň wekiliýeti, Aşgabat şäherine saparynyň dowamynda, 7-nji noýabrda, ikitaraplaýyn duşuşyga gatnaşmak üçin Türkmenistanyň Söwda-senagat edarasyna bardy. YHÖG-niň bu bölüminiň ýolbaşçysy Söwda-senagat edarasynyň başlygy Mergen Gurdow bilen söhbetdeşliginde Türkmenistanyň indiki aýda, 12-14-nji dekabr aralygynda Parižde geçiriljek YHÖG-niň Ýewraziýa hepdeligine gatnaşmagyna garaşylýandygyny, we bu çäre barada umumy düşünjeleri belledi.
Bu okuw sapaklaryna Türkmen döwlet ykdysadyýet we dolandyryş institutynyň, Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Türkmen döwlet maliýe institutynyň talyp ýaşlary, şeýle hem ýurduň Maliýe we ykdysadyýet ministrliginiň hem-de Merkezi Bankyň hünärmenleri gatnaşdylar.
Daşary ýurt kompaniýalarynyň we guramalarynyň 20-den gowragynyň wekilleri telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2023» atly 16-njy halkara sergisine we ylmy maslahatyna gatnaşarlar.
OPEK-iň Baş sekretary Haýtam al-Gaýsyň pikirine görä, dünýädäki ykdysady ösüş, dürli ýurtlaryň merkezi banklarynda inflýasiýanyň ýokarlanmagyny we göterim derejesini öz içine alýan dünýädäki makroykdysady kynçylyklara garamazdan ýangyjyň zerurlygyny ýokarlandyrar.
Serginiň esasy maksady söwda, ykdysady ösüş, logistika we eksport üçin baý bolan mümkinçilikler bilen tanyşmaga we peýdalanmaga itermekden ybaratdyr. Bu ýerde hojalyga degişli azyk maksatly bolmadyk islendik harydy tapmak bolar.
Sişenbe güni Aşgabatda geçirilen okuw maslahatynda ÝHHG-e agza döwletleriň maliýe bazaryny netijeli dolandyrmak we ösdürmek babatda öňdebaryjy tejribeleri hem-de halkara standartlary öwrenildi.
6-njy noýabrda Türkmenistanyň Döwlet gümrük gullugynyň we Eýran Yslam Respublikasynyň Gümrük müdirliginiň wekilleriniň türkmen-eýran döwlet serhedinde ýerleşýän «Sarahs-Sarahs» gözegçilik-geçiriş ýerinde iş duşuşygy geçirildi.
Duşenbe güni Rumyniýanyň Daşary işler ministri Luminisa Odobesku we Azerbaýjanyň Daşary işler ministri Jeýhun Baýramow 6-njy noýabrda Rumyniýanyň Buharestdäki Daşary işler ministrliginiň merkezinde syýasy we diplomatik geňeşmeleri geçirdi.
