Adamzadyň iň oňat akyllary global ýylylygyň öňüni almagyň ýoluny gözleýärler we olaryň biri – Dewisdäki Kaliforniýa uniwersitetiniň elektrotehnika we kompýuter inženerliginiň professory Jeremi Mundeý has ýönekeý, ýöne gaty jedelli usuly teklip etdi. Alymyň pikiriçe, global ýylylygyň öňüni almak üçin ýer ýüzüniň takmynan 2 göterimini ak reňk bilen boýamak zerur.
Hazar deňziniň üstki meýdany 15 ýylda 8 müň km² azaldy. Bilermenleriň pikiriçe, suwuň derejesiniň peselmegi eýýäm ekoulgama we deňiz senagatyna täsir edip ugrady. Gazagystanyň ekologlarynyň pikiriçe, Hazara Wolga we Žaýyk derýalarynyň suwuny guýmaly – diýip, Sputnik habar berýär.
Türkmenistandaky “Jümle Travel” syýahatçylyk kompaniýasy Fransiýanyň “Saberatours” kompaniýasy we Gazagystanyň “Тумар-Транс” kompaniýasy bilen hyzmatdaşlyk etmek hakynda ylalaşyklary baglaşdy.
“Belorusneft” kompaniýasy “Sanly çig mal ýatagy” ady bilen öz desgalarynda intellektual ulgamy ulanyp başlady. Bu barada “БелТА” habarlar agentligi mälim edýär.
Çarşenbe güni Täjigistanyň Şahristan sebitinde ajaýyp ýerde seýrek haýwanlar üçin gonalga açyldy. Taslamanyň awtorlary esasy ünsi Ýewropanyň sugunlaryna we dag goçlaryna berýärler diýip, Centralasia.news habar berýär.
Gazagystanyň Türkestan oblastynyň 11-nji kollejiniň pedagogy Žadyr Baýdaly kumysdan (ýaby ýa-da at süýdi) doňdurmalary öndürýär.
Gazagystanyň günbatarynda ekerançylar ot-iýmlik üçin ösümlikleri saýgaklaryň depelemeginden goramak maksady bilen ekin meýdanlarynda ýatyp-turýarlar. Haýwanlaryň ekini we öri meýdanlaryny zaýalaýandygy barada “Habar 24” teleýaýlymy habar berýär.
Birleşen Milletler Guramasynyň Çölleşmä garşy göreş boýunça Konwensiýasy (UNCCD) 1-2-nji iýulda Täjigistanyň Duşanbe şäherinde ylmy-amaly maslahat geçirer.
2023-nji ýylyň oktýabr aýynda Özbegistanyň Samarkand şäherinde ýabany haýwanlaryň göçüp-gonup ýören görnüşlerini gorap saklamak baradaky konwensiýa (CMS COP14) gatnaşýan döwletleriň 14-nji maslahaty geçiriler. Türkmenistan, Gazagystan we Özbegistan Üstýurt serhet üçburçlugynda tebigaty goramak pudagynda serhetaşa hyzmatdaşlygy güýçlendirmegi maksat edinýärler. Taraplaryň wekilleri Nöküsde tejribe alyşmak üçin duşuşdylar. Türkmenistandan Gaplaňňyr goraghanasynyň işgärleri gatnaşdylar.
Iýun aýynyň 20-21-i aralygynda Gazagystanyň, Gyrgyzystanyň, Täjigistanyň, Türkmenistanyň we Özbegistanyň köp sanly hökümet we raýat jemgyýeti guramalaryna, şeýle hem sebit we halkara guramalaryna wekilçilik edýän 60-dan gowrak gatnaşyjy Özbegistanyň Daşken şaherinde seminara ýygnandylar. Bu çäre, ÝHHG-nyň Ykdysady we daşky gurşaw çäreleriniň utgaşdyryjysynyň edarasy bilen Berliniň analitik merkezi Adelphi-niň bilelikdäki hyzmatdaşlygynda guraldy.
“Türkmengaz” döwlet konserniniň ylmy-barlag institutynyň barlaglar bölüminiň başlygy Irina Lurýewanyň mälim etmegine görä, Garagum sährasynyň merkezinde 50 ýyldan gowrak wagtdan bäri ýanýan gaz kraterini öçürmek boýunça ylmy çözgüt tapyldy we ol häzirki wagtda ylalaşmak tapgyryndadyr. Bu barada “TASS” habarlar agentligi mälim edýär.
Şenbe güni Türkmenistanyň gündogarynda we günorta-gündogarynda +40 — +45 °C çenli yssy howanyň bolmagyna garaşylýar. Yssy howa Lebap we Mary welaýatlarynda bolar. Ahal we Daşoguz welaýatlarynda ondan biraz pesräk gyzgyn howanyň bolmagyna garaşylýar – diýip, «Meteožurnal» habar berýär.
Fransiýanyň speleologiýa federasiýasyndan spelebiologlaryň we karstologlaryň topary Köýtendagdaky «Gülşirin» gowagynyň wirtual 3D kartasyny düzmek üçin onuň meýdanynyň 70%-niň lazer barlagyny geçirdiler. Häzir alymlar Köýtendag goraghanasyndaky karst labirintlerindäki oňurgasyz haýwanlary öwrenmek bilen meşgullanýarlar – diýip, «Neýtralnyý Turkmenistan» gazeti ýazýar.
Türkmenistanyň we Metan zyňyndylaryny azaltmak boýunça halkara obserwatoriýasynyň bilelikdäki taslamasynyň çäginde metan gazynyň zyňyndylaryny azaltmak boýunça ylmy barlaglar, şeýle hem tebigaty goramak bilen bagly milli kanunçylygy kämilleşdirmekde bilelikde işleri alyp barmak meýilleşdirilýär.
“Türkmenenergo” döwlet elektroenergetika korporasiýasy Türkmenistanyň çetki ilatly ýerlerinde gün elektrik stansiýalaryny gurmagy meýilleşdirýär. Täze gün elektrik stansiýalarynyň birinji tapgyrdaky kuwwatlylygy 6 megabite barabar bolar. Bu barada korporasiýanyň gaýtadan işlenilýän energiýa çeşmelerini ösdürmek gullugynyň başlygy Döwlet Allaýarow paýtagtymyzda geçirilýän “Energetiki nukdaýnazarlar we uglewodorod ýataklaryny özleşdirmegiň täze tehnologiýalary” atly ylmy-amaly maslahatynda eden çykyşynda habar berdi.
