Şenbe güni Türkmenistanyň gündogarynda we günorta-gündogarynda +40 — +45 °C çenli yssy howanyň bolmagyna garaşylýar. Yssy howa Lebap we Mary welaýatlarynda bolar. Ahal we Daşoguz welaýatlarynda ondan biraz pesräk gyzgyn howanyň bolmagyna garaşylýar – diýip, «Meteožurnal» habar berýär.
Fransiýanyň speleologiýa federasiýasyndan spelebiologlaryň we karstologlaryň topary Köýtendagdaky «Gülşirin» gowagynyň wirtual 3D kartasyny düzmek üçin onuň meýdanynyň 70%-niň lazer barlagyny geçirdiler. Häzir alymlar Köýtendag goraghanasyndaky karst labirintlerindäki oňurgasyz haýwanlary öwrenmek bilen meşgullanýarlar – diýip, «Neýtralnyý Turkmenistan» gazeti ýazýar.
Türkmenistanyň we Metan zyňyndylaryny azaltmak boýunça halkara obserwatoriýasynyň bilelikdäki taslamasynyň çäginde metan gazynyň zyňyndylaryny azaltmak boýunça ylmy barlaglar, şeýle hem tebigaty goramak bilen bagly milli kanunçylygy kämilleşdirmekde bilelikde işleri alyp barmak meýilleşdirilýär.
“Türkmenenergo” döwlet elektroenergetika korporasiýasy Türkmenistanyň çetki ilatly ýerlerinde gün elektrik stansiýalaryny gurmagy meýilleşdirýär. Täze gün elektrik stansiýalarynyň birinji tapgyrdaky kuwwatlylygy 6 megabite barabar bolar. Bu barada korporasiýanyň gaýtadan işlenilýän energiýa çeşmelerini ösdürmek gullugynyň başlygy Döwlet Allaýarow paýtagtymyzda geçirilýän “Energetiki nukdaýnazarlar we uglewodorod ýataklaryny özleşdirmegiň täze tehnologiýalary” atly ylmy-amaly maslahatynda eden çykyşynda habar berdi.
Aşgabatda Ýagşygeldi Kakaýew adyndaky Halkara nebit we gaz uniwersitetinde «Uglewodorod ýataklaryny işlemegiň energetika geljegi, täze tehnologiýalary we ekologiki ugurlary» atly ylmy-amaly maslahat öz işine başlady – diýip, ORIENT-iň habarçysy habar berýär.
BMG-niň Baş Assambleýasy 12-nji iýuly Çäge we tozan tupanlaryna garşy göreşmegiň halkara güni diýip yglan etdi we bu hadysalara garşy göreşmek we olaryň täsirini gowşatmak üçin global we sebitleýin hyzmatdaşlygyň zerurdygyny belledi.
ÝUNESKO Gyrgyzystandaky, Täjigistandaky, Özbegistandaky we Gazagystandaky buzluklaryň we buzasty kölleriň kartasyny döreder. Bu barada ÝUNESKO-nyň baş direktory Odre Azule Gazagystanyň paýtagtynda geçen «Astana» halkara forumynda beýan etdi – diýip, TASS habar berýär.
Gazagystanyň Prezidenti Kasym-Jomart Tokaýew “Astana” halkara forumynda çykyş edip, Merkezi Aziýa ýurtlaryny suw howpsuzlygy meselesini bilelikde çözmäge çagyrdy. Respublikanyň paýtagtynda sebitdäki iň uly gurultaý geçirilýär. Kongresler merkezi penşenbe güni müňe golaý daşary ýurtly delegaty kabul etdi – diýip, Akorda habar berýär.
Howanyň üýtgemegine uýgunlaşmak boýunça milli meýilnamalara ilatyň ykjam hereket etmegini goşmak, şeýle hem bu ugurdaky öňdebaryjy tejribe Migrasiýa baradaky halkara guramasynyň Ýurt edarasynyň we Türkmenistandaky BMGÖM-nyň iki günlük seminarynyň barşynda ara alnyp maslahatlaşyldy.
Birleşen Arap Emirliklerinde genetiki inženerligiň kömegi bilen agyr howa şertine, şol sanda 50 derejä çenli gyzgynlyga çydap bilýän ary tohumyny ösdürip ýetişdirdiler. BAE häkimiýetleri şeýlelik bilen ýerli bal önümçiliginiň paýyny artdyrmak isleýärler.
Aşgabatdaky Türkmen oba hojalyk uniwersitetinde Türkmenistanyň daşky gurşawy goramak babatyndaky üstünliklerine we bu ugurda halkara hyzmatdaşlygyna bagyşlanan ylmy-amaly maslahat geçirilýär.
Ýewropa Birleşiginiň Türkmenistandaky ilçisiniň maşgalasy Dubrawka Ýowanowiç türkmen paýtagtyny bagy-bossanlyga öwürmekde goşan goşandy üçin Türkmenistanyň Oba hojalyk we daşky gurşawy goramak ministrliginiň, şeýle hem ýurduň Agrar partiýasynyň hormat hatlaryna mynasyp boldy.
Her ýylyň 5-nji iýunynda bellenip geçilýän Daşky gurşawy goramagyň halkara gününe bagyşlap BMGÖM-nyň Türkmenistandaky wekilhanasy Balkan welaýatynda birnäçe çäreleri geçirdi.
Wise-premýer Annageldi Ýazmyradow anna güni Ministrler Kabinetiniň mejlisinde Türkmenistanda Bütindünýä daşky gurşaw gününe bagyşlanan iki halkara forumyň geçiriljekdigini habar berdi.
Aralyň ýakasynda ekologiki ýagdaýy gowulandyrmak maksady bilen Milli tokaý maksatnamasyny ýerine ýetirmeginiň çäklerinde Daşoguz we Lebap welaýatlarynda täze tokaý goraýyş zolaklaryny dörederler – diýip, wise-premýer Annageldi Ýazmyradow anna güni bolan Türkmenistanyň Ministrler Kabinetiniň mejlisinde aýtdy – diýip, TDH habar berýär.
