Durnukly ösüş maksatlarynyň durmuşa geçirilişi ara alnyp maslahatlaşyldy
Türkmenistanyň Daşary işler ministrliginiň resmi wekilleriniň, ýurdumyzyň ministrlikleriniň we pudaklaýyn dolandyryş edaralarynyň ýolbaşçylary, BMG-niň düzümleriniň ýurdumyzdaky wekilhanalarynyň ýolbaşçylary Türkmenistanda Durnukly ösüş maksatlaryny durmuşa geçirmegiň barşyny ara alyp maslahatlaşdylar.
Maliýe we ykdysadyýet ministri Serdar Joraýew Durnukly ösüş maksatlaryny durmuşa geçirmek boýunça Milli iş toparynyň "tegelek stol" maslahatyny açdy. Ol özüniň çykyşynda Türkmenistan bilen BMG-niň arasyndaky strategik hyzmatdaşlygyň ýokary derejede ösdürilýändigini belledi.
Daşary işler ministriniň orunbasary Mähri Bäşimowa Durnukly ösüş maksatlaryny ýerine ýetirmek işine ýaşlaryň işjeň çekilýändigini nygtady. BMG-niň Türkmenistandaky hemişelik wekili Dmitriý Şlapaçenko sentýabr aýynda Durnukly ösüş maksatlary boýunça sammiti geçirmegiň meýilleşdirilýändigini belledi. Öňde boljak sammitde Türkmenistanyň milli borçnamalarynyň ýerine ýetirilişi boýunça synyň we geljekki meýilnamalarynyň taýýarlanyşyna üns çekildi.
Maslahatda Durnukly ösüş maksatlaryny durmuşa geçirmekde milli maglumat binýadyny emele getirmek işlerine seredildi.
ORIENT news
