Türkmen we halkara hünärmenleri Türkmenistanyň taryhy we medeni ýadygärliklerini dikeltmek, rejelemek we bu ýadygärliklere syýahatçylaryň ünsüni çekmek boýunça tejribe alyşdylar.
Türkmenistan sirk işleri babatynda halkara hyzmatdaşlygyna ýardam eder, hususan-da, ýurdumyzyň sirkleriniň daşary ýurtlarda çykyşlarynyň guralmagynyň amala aşyrylmagyna, bilelikdäki we alyş-çalyş çykyşlarynyň geçirilmegine, şeýle hem halkara festiwallarynyň guralmagyna goldaw berer.
The Walt Disney Company-nyň wekili – Merkezi we Gündogar Ýewropa, GDA ýurtlar boýunça baş media direktory Kahaber Abaşidze Türkmenistanyň teleradio gepleşikler we kinematografiýa baradaky döwlet komitetiniň hem-de DIM-niň wekilleri bilen hyzmatdaşlyk etmegiň geljegini ara alyp maslahatlaşdy.
Türkmenistanyň gadymy Köneürgençýadygärlikleriniň sanawyna girizilen Törebeg hanymyňmawzoleýiniň suraty Parižde geçirilýän ÝUNESKO-nyň Bütindünýä mirasynyň ýadygärlikleriniň sergisinde görkezilýär. Bu barada Türkmenistanyň Fransiýadaky ilçihanasy habar berýär.
2023-nji ýylyň 25-31-nji maýynda Londonda geçiriljek (Eurasian Creative Guild Film Festival) bäşinji Ýewraziýa kinofestiwalyna gatnaşmaga işleg bildirýänler üçin açyk diýlip yglan edildi. Festiwal her ýyl geçirilýär we ol iňlis dili ýörgünli bolan ýurtlardaÝewraziýanyň kino sungatyny dünýä tanatmagymaksat edinýär.
Medeniýet ministrliginiň ýanyndaky Çeperçiliksergiler müdirliginiň sergi zaly 21-nji noýabrda sagat16:00-da Türkmenistanyň Halk suratkeşi AnnadurdyAlmamedowyň eserleriniň şahsy sergisine gatnaşmagaçagyrýandygyny Türkmenistanyň sungat işgärleriniňbirleşigi ORIENT habar gullugyna habar berdi.
Tahyr Ataýewiň orkestri hemmeleri 4-nji dekabrda sagat 19:00-da «Watan» kinoteatrynyň zalynda geçiriljek Rok vol.2 konsertine çagyrýar. Bu barada orkestriň ýolbaşçysynyň resmi akkauntynda habar berilýär.
Türkmenistanyň Prezidenti Serdar Berdimuhamedow we Özbegistanyň Prezidenti Şawkat Mirziýoýew Daşoguz şäherinde Dostluk festiwalynyň geçirilmegi mynasybetli türkmen we özbek halklaryny gutladylar. Gutlag hatlary şu gün TDH habarlar gullugy tarapyndan çap edildi.
Ýaponiýanyň halkara taslamasynyň çäklerinde Halkara ynsanperwer ylymlary we ösüş uniwersitetine ýapon kitaplaryny sowgat bermek boýunça dabaraly çäre geçirildi, bu barada Ýaponiýanyň Türkmenistandaky ilçihanasynyň metbugat habarynda aýdylýar.
2024-nji ýyl türkmen şahyry Magtymguly Pyraga bagyşlanar. Bu karar 2022-nji ýylda türki döwletleriň Halkara medeniýet guramasynyň (TÜRKSOÝ) medeni paýtagty Bursa şäherinde geçirilen TÜRKSOÝ-yň Medeniýet ministrleriniň Hemişelik geňeşiniň 39-njy mejlisinde kabul edildi. Jemleýji beýannama türkmen tarapyndan Medeniýet ministri Atageldi Şamyradow gol çekdi.
«Türkmenfilm» birleşigi Türkiýäniň Bursa şäherinde geçirilen Türk dünýäsiniň «Korkut Ata» atly halkara film festiwalynda iki sany baýrak aldy, bu barada wekilçilikli birleşikler Instagram saýtynda habar berýärler.
Türkmenistanyň taryhy Änew şäheri 2024-nji ýyl üçin türki dünýäsiniň medeni paýtagty diýlip yglan edildi. Şeýle çözgüt türki dünýäsiniň 2022-nji ýylda medeni paýtagty bolan Bursa şeherinde geçirilen TÜRKSOÝ-yň medeniýet ministrleriniň hemişelik geňeşiniň 39-njy mejlisinde kabul edildi. Duşuşygyň jemleýji jarnamasyna Türkmenistanyň medeniýet ministri Atageldi Şamyradow bilen birlikde, agza ýurtlaryň edaralarynyň ýolbaşçylary gol çekdiler.
9-njy noýabrda Türkmenistan bilen Koreýa Respublikasynyň arasynda diplomatik gatnaşyklaryň ýola goýulmagynyň 30 ýyllygyna bagyşlanan Koreýanyň medeniýet günleri başlanar.
“Bu sarilerde we perdelerde, utanjaň gözleriň gizläp, sen dessine elýetmez hem ýüz esse gizlin bolduň” – meşhur hindi ýazyjysy we şahyry Rabindranat Tagoryň bu şygyr setirleri “Hindi sarisini geýinmek” atly owadan bäsleşigiň baş mazmuny bolup biler. Bäsleşige gatnaşmaga gyzlar çagyrylýar.
“Wadaýko” ýapon depleri barada olaryň Ýaponiýa hakynda we elbetde, bu ýurduň halkynyň häsiýeti, taryhy hem-de medeniýeti barada gürrüň berip bilýändigini aýdýarlar. Asyrlaryň jümmüşinden biziň günlerimize çenli gelip ýeten täsin saz guralynyň owazy diňleýjilerde ruhubelentlik oýaryp, iň ajaýyp duýgulary döredip bilýär.
