ÝUNESKO-nyň Pariždäki surat sergisinde Köneürgençdäki mawzoleýiň suraty görkezilýär
Türkmenistanyň gadymy Köneürgençýadygärlikleriniň sanawyna girizilen Törebeg hanymyňmawzoleýiniň suraty Parižde geçirilýän ÝUNESKO-nyň Bütindünýä mirasynyň ýadygärlikleriniň sergisinde görkezilýär. Bu barada Türkmenistanyň Fransiýadaky ilçihanasy habar berýär.
Bu surat sergisi 1972-nji ýylda döredilen Bütindünýä medeni we tebigy mirasy goramak hakyndaky Konwensiýasynyň 50 ýyllygy mynasybetli geçirilýär. Eserler ÝUNESKO-nyň binasynyň daşyndaky haýatynyň bütin töweregini gurşap alýar.
Sergide görkezilýän ýygyndyda Bütindünýä mirasynyň sanawyna girizilen 1154 desgadan 100-den gowragynyň görnüşleriniň suratlary bar. Köneürgenjiňbinagärlik ýadygärlikleri bu sanawa 2005-nji ýylda girizilipdi.
ORIENT news
Surat Türkmenistanyň Fransiýadaky ilçihanasy tarapyndan berildi
