Türkmen hünärmenleri gadymy ýadygärlikleriň syýahatçylygynyň özüne çekijiligini ýokarlandyrmagy öwrendiler
Türkmen we halkara hünärmenleri Türkmenistanyň taryhy we medeni ýadygärliklerini dikeltmek, rejelemek we bu ýadygärliklere syýahatçylaryň ünsüni çekmek boýunça tejribe alyşdylar.
Türkmenistanyň Prezidenti Serdar Berdimuhamedowyň tabşyrygy boýunça Medeniýet ministrligi tarapyndan gurnalan "Türkmenistanyň taryhy medeni ýadygärlikleri: öwrenmegiň, gorap saklamagyň we rejelemegiň tejribesi" atly halkara ylmy maslahatyň jemleri boýunça TDH agentligi habar berýär.
Çäräniň çäklerinde dowam etdirilýän dikeldiş işleri, daşary ýurtly we içerki syýahatçylaryň Türkmenistanyň medeni taryhy ýadygärliklerine syýahat etmekleri üçin şertleri döretmäge gönükdirilen meselelerini çözmek baradaky çykyşlar diňlenildi.
Taraplar ylmy-barlag işlerinde tejribe alyşdylar we bilelikdäki ylmy barlag işleri, Türkmenistanyň medeni mirasyny gorap saklamak we wagyz etmek boýunça geçirilýän ylmy gatnaşyklaryň we hyzmatdaşlygyň dowam etdirilmeginiň wajypdygyny bellediler.
Maslahatyň işine Russiýanyň, Fransiýanyň, Italiýanyň, Özbegistanyň, Gyrgyzystanyň we Täjigistanyň ýöriteleşdirilen merkezleriniň öňdebaryjy işgärleri we hünärmenleri gatnaşdylar.
ORIENT news
Surat: casp-geo.ru
