Tomusyň ilkinji güni “Türkmenhowaýollarynyň” ýolagçy uçary Russiýanyň Kazan şäherinden Türkmenabada yzygiderli göni uçuşlaryň birinjisini amala aşyrar. Mundan beýläk gatnawlar her hepdäniň çarşenbe güni ýerine ýetiriler - diýip, Tatarstanyň paýtagtynyň Halkara howa menziliniň saýty habar berýär.
25-nji maýda türkmen parlamentiniň ýokary palatasynyň Başlygy Gurbanguly Berdimuhamedow Aşgabat şäheriniň güni mynasybetli paýtagtymyza gelen daşary ýurtly myhmanlaryň birnäçesi bilen duşuşyklary geçirdi diýip, şu gün resmi metbugat ýazýar.
Türkmenistanyň Prezidenti Serdar Berdimuhamedow Maliýe ministrligini 2023-nji ýyl üçin Döwlet býujetiniň, ýurdumyzy durmuş-ykdysady taýdan ösdürmegiň esasy ugurlarynyň we maýa goýum maksatnamasynyň taslamalaryny taýýarlamaga borçly edýän karara gol çekdi diýip, şu gün resmi türkmen metbugaty ýazýar.
Gruziýanyň Türkmenistandaky işleri wagtlaýyn ynanylan wekili Awtandil Napetwaridze Türkmenistanyň Gruziýa üçin nebit önümlerini esasy iberijileriň birine öwrülendigini aýtdy.
2022-nji ýylyň 23-24-nji maýynda Ýewropada Howpsuzlyk we hyzmatdaşlyk guramasynyň (ÝHHG) Ykdysady we daşky gurşaw forumynyň 2-nji taýýarlyk ýygangynda Türkmenistanyň Türkmenbaşy halkara deňiz portynyň we ÝHHG-niň ýanyndaky delegasiýamyzyň wekilleri «Türkmenistanyň ykdysadyýet we daşky gurşaw babatda ileri tutýan ugurlary» temasy boýunça beýannama bilen çykyş etdi.
Çarşenbe güni paýtagtymyzda açylan “Ak şäherim Aşgabat” sergisi “köpugurly” derejesine eýe bolmagy tötänden däldir. Onda şäheriň meýilleşdirilmegine we ösüşine degişli hemme zat: ýaşaýyş jaýlarynyň we ýollaryň nämelerden gurulýandygyna hem-de olaryň neneňsi enjamlaşdyrylýandygyna, durmuş we gurşaw babatda ýaşaýyş üçin amatly ýagdaýlaryň nädip döredilýändigine degişli ähli zatlar görkezilýär.
Şäherlileriň dynç alýan söýgüli ýeri bolan, esasan, “Birinji park” diýlip tanalýan paýtagtymyzyň “Aşgabat” seýilgähinde – 27-nji maýda Çagalary goramagyň halkara gününe bagyşlanylan konsert geçiriler.
“Aýdyň gijeler” hojalyk jemgyýeti sertifikatlaşdyrmak baradaky CERT International halkara edarasyndan menejment ulgamynda ISO 9001:2015 ölçegleriniň hil talaplaryna laýyklygynyň halkara sertifikatyny aldy diýip, kompaniýada ORIENT-e habar berdiler.
BMG-niň Neşe serişdelerine we jenaýatlara garşy göreşmek baradaky Müdirligi we ABŞ-nyň Halkara ösüş agentliginiň (USAID) maliýeleşdirýän “Merkezi Aziýada howpsuz migrasiýa” taslamasy Adam söwdasyna garşy göreş boýunça milli syýasatlary güýçlendirmek” temasyndan garyşyk görnüşde (onlaýn we oflaýn) iki günlük seminar geçirer.
Sişenbe güni, 25-nji maýda Türkmenistanyň Döwlet haryt-çig mal biržasynyň söwdalarynda Gyrgyzystanyň wekili towly nah ýüplügiň 80 müň kilogramyny satyn aldy diýip, ORIENT-iň habarçysy habar berýär.
Amerikan kompaniýalary Türkmenistanda golfy we sport ulgamyny ösdürmek işine gatnaşmaga bolan isleglerini beýan etdiler.
Täjigistanyň Türkmenistandaky ilçisi Farruh Şarifzodanyň «Türkmen milli nebitgaz kompaniýasynyň (NAPECO)» baş direktory Maksat Pirliýew bilen duşuşdy.
Duşenbe güni 23-nji maýda Türkmenistanyň Döwlet haryt-çig mal biržasynyň söwdalarynda daşary ýurda nah ýüplük ugratmak üçin $471,5 müň we 1,5 million manatlyk geleşikleriň 4-si baglaşyldy diýip, ORIENT-iň habarçysy habar berýär.
Duşenbe güni, 23-nji maýda Tähranda YHG-niň sekratariýatynda YHG-ny özgertmek işi boýunça örän işjeň häsiýetli iki günlük ara alyp maslahatlaşma başlandy. Çäre agza ýurtlaryň daşary işler ministrleriniň orunbasarlarynyň derejesinde geçýär.
Astrahanda 22-24-nji maý aralygynda “Hazar 2022: durnukly ösüşiň ýollary” atly halkara ylmy forum geçýär. Pikir alyşmalara halkara guramalarynyň we Hazarýaka ýurtlarynyň ylymlar akademiýalarynyň bilermenleri, ýokary okuw mekdepleriniň rektorlary, Rushyzmatdaşlygynyň, hökümet edaralarynyň, işewür jemgyýetçiliginiň hem-de habar beriş serişdeleriniň wekilleri gatnaşýarlar.
