Her ýyl 20-nji noýabrda köp ýurtlarda Bütindünýä çagalar güni bellenilýär. Bu baýram BMG-niň Baş Assambleýasy tarapyndan 69 ýyl mundan ozal yglan edildi. Şol gün 1959-njy ýylda çagalaryň hukugynyň Jarnamasy, 1989-njy ýylda bolsa Çagalaryň hukugy hakynda konwensiýa kabul edildi.
USAID, ÝUNESKO-nyň işleri barada Türkmenistanyň milli toparynyň goldawy bilen, şeýle hem “Orlan” konsalting kompaniýasy bilen hyzmatdaşlykda şenbe güni Handmade Exports-2022 başlangyç synag maksatnamasynyň (el işleriniň eksporty) çäginde jemleýji çäräni geçirdi.
Türkmenistanyň Prezidenti Serdar Berdimuhamedowyň Birleşen Arap Emirliklerine amala aşyryan resmi saparynyň çäklerinde iki ýurduň arasynda ikitaraplaýyn resminamalaryň toplumyna gol çekildi. Bu barada TDH agentligi habar berýär.
TDH habar gullugynyň habar bermegine görä, türkmen parlamentiniň ýokarky palatasy birinji çagyrylyşynyň sekizinji mejlisinde ara alyp maslahatlaşmak üçin hödürlenen kanunlar birnäçesini biragyzdan makullady.
19-njy noýabrda şenbe güni Türkmenistanyň Döwlet haryt we çig mal biržasynyň söwdalaşyklarynda bahasy 9,5 million amerikan dollary we 666,7 müň TMT bolan 6 sany geleşik baglaşyldy.
ORIENT-iň habarçysynyň habar bermegine görä, 18-nji noýabrda Türkmenistanyň Döwlet haryt we çig mal biržasynyň söwdalaşmalarynda jemi bahasy 14,7 million amerikan dollaryna we 2,4 million türkmen manadyna barabar bolan 8 sany geleşik baglaşyldy.
TDH gullugynyň habar bermegine görä, Türkmenistanyň Prezidenti Serdar Berdimuhamedow resmi sapar bilen Birleşen Arap Emirliklerine bardy.
Merkezi Aziýa sebitinde asfaltlanan ýollaryň uzynlygy soňky 20 ýylda 24,5 müň km artdy. Iň uly öňegidişligi ýol gurluşygynyň giň gerimde alnyp barylýan ýurtlary – Türkmenistan bilen Özbegistanda bellemek bolar" – diýlip, Ýewraziýa Ösüş Bankynyň "Merkezi Aziýanyň ykdysadyýeti: täze garaýyş” atly dokladynda aýdylýar.
Ýaponiýanyň hökümeti dekabryň ikinji ýarymynda Tokioda Merkezi Aziýanyň bäş ýurdunyň daşary işler ministrleriniň duşuşygyny geçirmegi meýilleşdirýär. Bu barada ýekşenbe güni Ýaponiýanyň diplomatik çeşmelerine salgylanyp, Kyodo habarlar agentligi habar berdi.
“Täze bilimler maksatlaryňa ýetmek üçin örän uly mümkinçilikler berýär. Esasy zat – biz hereket edip başlamak bilen, halk-amaly-haşam döredijiliginiň ussatlary üçin täze işewür giňişligi açdyk, biziň ele alan täze tejribämiz bolsa bu ulgamda yzygiderli ýaýbaňlanýar” diýip, “Orlan” kompaniýasy we ÝUSAID tarapyndan guralan Handmade Exports taslamasyna gatnaşyjy Täjigül Gurbanowa aýdýar.
Türkmenistanyň Prezidentiniň Karary bilen demir ýollarynyň we demir ýol ulagynyň beýleki obýektleriniň gorag zolaklaryny kesgitlemegiň tertibi tassyklandy. Ministrler Kabinetiniň ýanyndaky Ulag we kommmunikasiýalar agentliginiň Baş direktory Mämmethan Çakyýew tarapyndan hödürlenen bu resminama anna güni, Ministrler Kabinetiniň mejlisinde gol çekildi.
Wise-premýer Nurmuhammet Amannepesow Halkara Bitaraplyk güni mynasybetli geçiriljek halkara internet olimpiadalaryna taýýarlyk işleri barada hasabat berdi. Bu barada TDH agentligi Türkmenistanyň Ministrler Kabinetiniň mejlisinden soň habar berdi.
Türkmen Garagumynyň çägeleri BMG Ösüş Maksatnamasynyň we Ählumumy ekologiýa gaznasynyň taslamasynyň çäklerinde energiýa çeşmelerinden peýdalanmak we soňraky ýaşyl energetikany ösdürmek üçin ulanylyp bilner.
Galkynyş gaz käninde aýratyn çylşyrymly guýularyň gurluşygy tamamlanýar, şol guýular tebigy gazyň çykarylyşynyň umumy möçberini we şu çäklerde gaýtadan işleýän desgalaryň işini artdyrar. Bular barada anna güni geçirilen türkmen hökümetiniň mejlisinde ÝET boýunça wise-premýer Şahym Abdrahmanow hasabat berdi.
Türkmensiatnyň Prezidentiniň Birleşen Arap Emirliklerine resmi sapary 21-22-nji noýabra meýilleşdirildi. Bu saparyň iş maksatnamasynyň taýýarlanylyşy barada anna güni türkmen hökümetiniň mejlisinde wise-premýer, daşary işler ministri Raşid Meredow hasabat berdi.
