Türkmenistanyň Döwlet haryt we çig mal biržasynda söwdalaşyklar: uçar kerosini, dizel ýangyjy we nah ýüplügi eksport edilýär
19-njy noýabrda şenbe güni Türkmenistanyň Döwlet haryt we çig mal biržasynyň söwdalaşyklarynda bahasy 9,5 million amerikan dollary we 666,7 müň TMT bolan 6 sany geleşik baglaşyldy.
Birleşen Arap Emirliklerinden gelen telekeçi 2380 tonna TS-1 kysymly uçar kerosinini satyn aldy we her tonnasyna 970 amerikan dollaryny teklip etdi. Geleşigiň umumy mukdary 2,3 million dollardan geçdi.
Owganystanyň wekili 7,5 müň tonna gidrotrizlenen dizel ýangyjyny satyn almak barada her tonnasy üçin bahasy 970 amerikan dollary bolan şertnama baglaşdy. Eksport edilen önümleriň jemi mukdary 7,2 million amerikan dollaryna barabar boldy.
Türkiýeden gelen telekeçi söwdalaşyklarda jemi bahasy 666,7 müň TMT bolan 273 müň kg nahýüplügini satyn aldy.
Söwdalaşyklara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16;00-da, şenbe güni sagat 11:30-dabaşlaýar. Nebit we gaz pudagynda birža söwdasy uşenbe-anna günleri 16:30-da, şenbe güni 12:00-dabaşlaýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: redaksiýanyň arhiwinden
