Türkmenistanyň Döwlet haryt we çig mal biržasynda söwdalaşyklar: uçar kerosini we dizel ýangyjy eksport üçin satuwa çykaryldy
ORIENT-iň habarçysynyň habar bermegine görä, 18-nji noýabrda Türkmenistanyň Döwlet haryt we çig mal biržasynyň söwdalaşmalarynda jemi bahasy 14,7 million amerikan dollaryna we 2,4 million türkmen manadyna barabar bolan 8 sany geleşik baglaşyldy.
Owganystanly telekeçi 5000 tonna TS-1 uçarkerosinini satyn aldy we onuň her tonnasy üçin 963.50 amerikan dollaryny teklip etdi. Geleşigiň umumy mukdary 4,8 million amerikan dollaryna barabar boldy.
Owganystanyň başga bir wekili bilen jemi bahasy 9,8 million amerikan dollary bolan 10 müň tonna gidrotrirlenen dizel ýangyjyny satyn almak barada şertnama baglaşyldy. Nebit önüminiň bir tonnasynyňbahasy 981,75 dollar diýlip kesgitlenildi.
Gyrgyzystanly telekeçi söwdalaşyklarda 12 müň kg reňkli dokma önümlerini satyn aldy. Dokma senagatministrligi bilen jemi bahasy 66,000 amerikan dollary bolan şertnama baglaşyldy.
Içerki bazarda ýerli telekeçiler jemi bahasy 2,4 million TMT bolan 1450 tonna BND 60/90 kysymly nebit ýol bitumyny satyn aldylar.
Söwdalaşyklara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri sagat 16:00-da, şenbe güni sagat 11:30-da geçirilýär. Nebit we gaz pudagynda birža söwdasy duşenbe-anna günleri sagat 16:00-da, şenbe güni sagat 12:00-da geçirilýär.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: redaksiýanyň arhiwinden
