Soňky 5 aýyň içinde Türkiýä çaklanylýan görkezijiden hem köp syýahatçy geldi. Bu barada “Şahinler Holding” kompaniýasynyň direktorlar geňeşiniň ýolbaşçysy Kemal Şahiniň sözlerine salgylanyp, “Anadolu” habarlar agentligi mälim edýär.
Meşhur amerikan suratkeşi Eými Erikson Aşgabada geldi we eýýäm Türkmenistanyň Döwlet çeperçilik akademiýasynyň talyplary üçin ilkinji ussatlyk sapaklaryny we leksiýalary berýär. Bu baradaky maglumaty Amerikanyň Birleşen Ştatlarynyň Türkmenistandaky diplomatik wekilhanasy berýär.
Ýewropanyň Täzeleniş we ösüş banky kiçi we orta telekeçilik üçin tejribeligiň innowasion maksatnamasyna badalga berilýändigini yglan edýär. Şunuň bilen baglylykda, ähli gyzyklanýan kompaniýalary oňa gatnaşmaga çagyrýar.
Türkmen parlamentiniň başlygy Dünýägözel Gulmanowa ÝHHG-nyň Milli azlyklaryň işi boýunça Ýokary Komissary Kaýdar Abdyrahmanow bilen duşuşyk geçirdi, onuň barşynda bilen ikitaraplaýyn hyzmatdaşlygyň meseleleri ara alnyp maslahatlaşyldy.
Mundan ozal, Lebap welaýatynyň Çärjew etrap kazyýetiniň kazysy bolan Döwran Hanow Türkmenistanyň Ýokary kazyýetiniň kazysy wezipesine bellendi. Bu barada Türkmenistanyň Döwlet habarlar agentligi mälim edýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Italiýa Respublikasynyň Prezidenti jenap Serjio Mattarella ýurduň ozalky Premýer-ministri Silwio Berluskoniniň aradan çykandygy zerarly gynanç hatyny iberdi. Bu barada Türkmenistanyň Döwlet habarlar agentligi mälim edýär.
Duşenbe güni, 12-nji iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $1 mln amerikan dollaryna we 150 mln türkmen manadyna deň bolan 24 geleşik baglaşyldy – diýip, ORIENT-iň habarçysy habar berýär.
Türkiýäniň Prezidenti Rejep Taýyp Ärdogan döwlet sapary bilen Azerbaýjana geldi. Saparda türk liderine aýaly Emine Ärdogan, ýurduň Daşary işler ministri Hakan Fidan, Energetika we tebigy baýlyklar ministri Alparslan Baýraktar, Milli Goranmak ministri Ýaşar Güler, Ulag we infrastruktura ministri Abdulkadir Uraloglu ýoldaşlyk edýär, - diýip, Türkiýäniň Döwlet Baştutanynyň metbugat gullugy habar berdi.
Bütindünýä saglygy goraýyş guramasy we Ermenistanyň Saglygy goraýyş ministrligi Ermenistanda "Immun patrullygy" atly immun ulgamy we immunizasiýa boýunça täze bilim modulynyň synag taslamasynyň netijelerini paýlaşmak üçin 14-15-nji iýunda Ýerewanda sebitleýin duşuşyk geçirer.
Türkmenistanyň Daşary işler ministriniň orunbasary Wepa Hajiýew indiki hepde, 19-20-nji iýunda geçiriljek Terrorçylyga garşy göreş boýunça ýokary derejeli hepdeligiň çärelerine gatnaşmak üçin BMG-nyň Nýu-Yorkdaky merkezi edaralaryna barar. Bu barada öz web sahypasynda Türkmenistanyň BMG-niň ýanyndaky hemişelik wekilhanasy habar berýär.
2024-nji ýylyň ahyryna çenli Karaganda derman toplumynda Russiýanyň tehnologiýasy boýunça insuliniň analogy öndürilip başlanar. Soçide geçirilen Ýewraziýa Ykdysady Bileleşiginiň ýurtlarynyň hökümetara geňeşiniň çäginde uzakmöhletleýin ygtyýarnama şertnamasyna gazak we rus derman senagatlary tarapyndan gol çekildi – diýip, . Sputnik Gazagystan Russiýanyň Senagat we söwda ministrliginiň metbugat gullugyna salgylanmak bilen habar berýär.
Aşgabatda, 15-nji maýda «Energetiki nukdaýnazarlar we uglewodorod ýataklaryny özleşdirmegiň täze tehnologiýalary we ekologiki jähtleri» atly halkara ylmy konferensiýa geçiriler we 20 ýurtdan 800-den gowrak wekili birleşdirer.
«Doganlyk Türkmenistan, hemişe Russiýanyň hakyky we wepaly dosty bolup galýar. Ýurtlarymyzyň Prezidentleri Wladimir Wladimirowiç Putin bilen Serdar Gurbangulyýewiç Berdimuhamedowyň arasyndaky ynamly we mähirli gatnaşyklar çuňňur strategiki hyzmatdaşlygyň rus-türkmen gatnaşyklary üçin berk binýat bolup hyzmat edýär», - diýip Russiýanyň ilçisi Iwan Wolynkin Russiýa güni mynasybetli Aşgabatdaky baýramçylyk kabul edilşikde aýtdy.
Buhara emiriniň kanselýariýa arhiwi ÝUNESKO-nyň "Dünýä hakydasy" maksatnamasynyň sanawyna girizildi. Birnäçe dilde - arap, pars, rus we türk dillerindäki resminamalar ýygyndysy şol wagtky Buharanyň sosial-ykdysady durmuşyny we syýasy gurluşyny açyp görkezýär – diýip, IslamNews habarlar agentligi “Uzarhiw” agentliginiň metbugat gullugyna salgylanmak bilen habar berýär.
ÝUNESKO-nyň işleri barada Türkmenistanyň milli toparynyň mejlisi 12-nji iýunda Aşgabatda, Türkmenistanyň Ministrler Kabinetiniň Başlygynyň Orunbasary, Türkmenistanyň Daşary işler ministri Raşid Meredowyň ýolbaşçylygynda geçirildi. Bu barada Türkmen Daşary işler ministrliginiň saýty habar berildi.
