Gurbanguly Berdimuhamedow Italiýanyň Prezidentine gynanç bildirdi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Italiýa Respublikasynyň Prezidenti jenap Serjio Mattarella ýurduň ozalky Premýer-ministri Silwio Berluskoniniň aradan çykandygy zerarly gynanç hatyny iberdi. Bu barada Türkmenistanyň Döwlet habarlar agentligi mälim edýär.
Hatda bellenilişi ýaly, görnükli syýasatçy we döwlet işgäri bolmak bilen, Silwio Berluskoni Italiýanyň öňe gitmegine, şeýle-de Türkmenistan bilen dostlukly gatnaşyklaryň pugtalandyrylmagyna saldamly goşant goşdy.
Ýurdumyzyň iň uly wekilçilikli edarasynyň Başlygy şu agyr pursatda merhumyň maşgala agzalaryna we dogan-garyndaşlaryna, Italiýanyň dostlukly halkyna ýürekden duýgudaşlyk bildirdi hem-de medet beriji sözlerini beýan etdi.
Silwio Berluskoni 86 ýaşynda Milan şäherinde aradan çykdy. Ol dürli ýyllarda, ýagny, 1994-1995, 2001-2006, 2008-2011 we 2013-2016 ýyllar aralygynda Italiýanyň Hökümetine ýolbaşçylyk etdi.
