Buhara emiriniň kanselýariýa arhiwi ÝUNESKO-nyň "Dünýä hakydasy" sanawyna girizildi
Buhara emiriniň kanselýariýa arhiwi ÝUNESKO-nyň "Dünýä hakydasy" maksatnamasynyň sanawyna girizildi. Birnäçe dilde - arap, pars, rus we türk dillerindäki resminamalar ýygyndysy şol wagtky Buharanyň sosial-ykdysady durmuşyny we syýasy gurluşyny açyp görkezýär – diýip, IslamNews habarlar agentligi “Uzarhiw” agentliginiň metbugat gullugyna salgylanmak bilen habar berýär.
Giňgerimli gaznada kanselýariýanyň öz işi bilen baglanyşykly resminamalar, şeýle-de merkezi häkimiýetleriň ýerlerden gelen hasabatlary we Buharadaky Russiýanyň imperatorynyň syýasy gullugy bilen hat alyşmalary saklanylýar. Seýrek duş gelýän ýygyndy Özbegistanyň Milli arhiwinde saklanýar.
Hronologiki taýdan arhiw Buharanyň Russiýa birikmeginden tä 1920-nji ýylda emirlik ýykylýança döwri öz içine alýar. Resminamalaryň köpüsi Buharanyň dolandyryjy emirleri, şeýle hem aýratyn ygtyýarly şahslar - şyh-ul-yslamlar (yslam meseleleri boýunça ýokary wezipeli adamlar), müftiler, kazylar, gorag we garawul başlyklary tarapyndan gol çekilen.
Buhara emirligi XVIII asyryň ortalaryndan 20-nji asyryň 20-nji ýylyna çenli Merkezi Aziýada häzirki Özbegistanyň, Täjigistanyň we Türkmenistanyň çäklerinde höküm süren döwlet.
ORIENT news
