Türkiýä çaklanylýandan köp jahankeşde geldi
Soňky 5 aýyň içinde Türkiýä çaklanylýan görkezijiden hem köp syýahatçy geldi. Bu barada “Şahinler Holding” kompaniýasynyň direktorlar geňeşiniň ýolbaşçysy Kemal Şahiniň sözlerine salgylanyp, “Anadolu” habarlar agentligi mälim edýär.
Ýurduň iň meşhur syýahatçylyk merkezi – Antalýa şu ýylyň ýanwar – maý aýlarynda 3,4 million syýahatçy geldi. Bu geçen ýylyň degişli döwründäkiden 40 göterim ýokarydyr. Syýahatçylaryň iň köp bölegi – 827,6 müňi Germaniýadan, 783,7 müňi Russiýadan, 352,1 müňüsi bolsa Beýik Britaniýadan geldi.
Degişli döwürde ýurda gelen jahankeşdeleriň möçberi geçen ýyldakydan 27,51 göterim ösdi.
“2028-nji ýyla çenli Türkiýe ýurda gelýän jahankeşdeleriň sanyny 90 milliona, syýahatçylykdan alýan girdejisini bolsa 100 milliard amerikan dollaryna ýetirip biler” diýip, Kemal Şahin belleýär.
ORIENT news
