Türkmenistanyň Ýokary kazyýetine täze kazy bellendi
Iýun 13, 2023 | 12:00 |8631
Mundan ozal, Lebap welaýatynyň Çärjew etrap kazyýetiniň kazysy bolan Döwran Hanow Türkmenistanyň Ýokary kazyýetiniň kazysy wezipesine bellendi. Bu barada Türkmenistanyň Döwlet habarlar agentligi mälim edýär.
“Döwran Jumamyradowiç Hanowy Türkmenistanyň Ýokary kazyýetiniň kazysy wezipesine belläp, ony şol kazyýetiň prezidiumynyň düzümine girizmeli we Lebap welaýatynyň Çärjew etrap kazyýetiniň kazysy wezipesinden boşatmaly” diýlip, Prezident Serdar Berdimuhamedowyň gol çeken Permanynda beýan edilýär.
Mundan başga-da, «Kazyýet hakynda» Türkmenistanyň Kanunynyň 43-nji, 54-nji, 56-njy, 72-nji we 83-nji maddalaryna laýyklykda, birnäçe kazylar wezipä bellendi we wezipeden boşadyldy. Birnäçe kazylara bolsa, hünär derejeleri berildi.
