25-nji aprelde agşam amala aşyrylan Urumçy bilen Aşgabadyň arasyndaky uçuş Hytaý bilen Merkezi Aziýanyň ähli ýurtlarynyň arasynda howa gatnawynyň doly dikeldilendigini aňlatdy – diýip, Global Times habar berýär.
Russia Today Documentary studiýasynyň işgärleri bedewleriň ahalteke tohumy hakynda gürrüň berýän dokumental filmi surata düşürmek üçin Türkmenistana geldiler – diýip, «Türkmenistan» gazeti habar berýär.
Türkmenistan bilen Aral deňziniň sebiti ýurtlarynyň arasynda serhetüsti suw hyzmatdaşlygynyň meseleleri Türkmenabatda bolup geçen suw diplomatiýasy boýunça milli seminaryň barşynda ara alnyp maslahatlaşyldy.
Dogry ulanylanda tebigy gaz ykdysadyýeti baýlaşdyrýar we ähli jemgyýetlere, durnukly ösüşe peýdalydyr. ADNOC International kompaniýasynyň ýerine ýetiriji wise-prezidenti Muhammet Al Arýani Dubaýda Türkmenistanyň nebit-gaz maýa goýum forumynyň umumy mejlisindäki çykyşyny şu sözler bilen başlady.
Türkmenistanyň täze reformalary, milli kanunçylygyň döwrebaplaşdyrylmagy ýurt bilen maýa goýum gatnaşygyny ep-esli giňeltmäge ýardam edýär, sebäbi ilkinji nobatda maýa goýumçylar goýumlardan geljek girdejini gözden geçirýärler, şeýle hem intellektual aktiwleriň transferi barada pikir edýärler. Bu barada Dubaýyň Ýerine ýetirji geňeşiniň başlygynyň orunbasary Ahmed bin Said Al Maktum Türkmenistanyň nebit-gaz maýa goýum forumynyň plenar sessiýasynda çykyş etmek bilen aýtdy.
Galkynyş gaz ýatagyny işlemegiň üçünji tapgyry Türkmenistan-Owganystan-Pakistan-Hindistan gaz geçirijisi boýunça her ýylda 33 milliard kub metr harytlyk gazyň iberilmegini üpjün eder – diýip, «Türkmengaz» döwlet konserniniň başlygy Batyr Amanow Türkmenistanyň energetika pudagyna daşary ýurt maýa goýumlaryny çekmek boýunça Halkara forumyň plenar sessiýasynda çykyş etmek bilen beýan etdi.
ABŞ-daky Smitsonow institutyndaky Aziýa sungatynyň milli muzeýi Türkmenistanda medeniýetiň bu ugruny ösdürmek üçin türkmen muzeýleri bilen hyzmatdaşlygy ýola goýmaga, işgärleriň hünär derejesini ýokarlandyrmaga we taryhy mirasy gorap saklamaga taýýar.
Häzir dünýä energetika pudagy çuňňur üýtgetmeleri başdan geçirýär. Energetikanyň gurluşynyň «ýaşyla» we pes uglerodla özgerdilmegi ýurtlar we dünýä nebit-gaz kompaniýalary üçin bütindünýä konsensusy, peýdaly missiýa we umumy wezipe boldy. Şunuň ýaly sözler bilen Dubaýda geçýän maýa goýum forumynyň wekiliýetlerine Wan Guýhaý – PetroChina Middle East Corporation kompaniýasynyň baş menejeri ýüzlendi.
Ýagşygeldi Kakaýew adyndaky Halkara nebit we gaz uniwersitetiniň wodorod energetikasy merkezi suwdan elektroliz usuly arkaly wodorody almak boýunça barlaglara başlady. Şunuň ýaly wodorod edil adaty ýangyç ýaly ýanýar, ýylylyk döretmek ukyby bolsa arassa wodorodyňka gabat gelýär.
Hytaýyň häkimiýetleri 29-njy aprelden başlap ýurda gelýän ýolagçylar üçin PSR-şahadatnamalarynyň barlagyny bes edýärler. Bu barada HHR-nyň DIM-niň resmi wekili Mao Nin beýan etdi.
Türkmenistanyň Saglygy goraýyş we derman senagaty ministrligi BSGG-nyň Ýurt edarasy bilen bilelikde lukmançylyk işgärleri üçin ilatyň COVID-19 garşy sanjyma bolan ynamyny ýokarlandyrmak meseleleri boýunça seminar geçirdi. Ýewropanyň immunizasiýa hepdeliginiň çäklerinde geçirilen çäräniň bilelikdäki guraýjylary bolup BMG-niň Çagalar gaznasynyň we Türkmenistandaky Ýewropa Birleşiginiň wekilhanalary çykyş etdiler.
BAE-niň iri şäherinde Türkmenistanyň energetika pudagyna daşary ýurt maýa goýumlaryny çekmek boýunça Halkara forumy öz işine başlady.
Gazagystanyň hökümetiniň başlygynyň orunbasary Serik Žumangarin Gazagystanyň Owganystan bilen söwda gatnaşyklaryny ösdürmek baradaky meýilnamalaryny beýan etdi. Bu barada sişenbe güni geçen gazak hökümetiniň mejlisiniň barşynda belli boldy – diýip, Amu.tv habar berýär.
Türkmenistanyň tebigy gaz ylmy-barlag instituty ýurduň gündogar we günbatar welaýatlarynda polimer we köp funksiýaly himiki önümleri öndürmek boýunça azyndan iki sany gazy gaýtadan işleýji zawody döretmekligiň üstünde işleýär.
Metanyň zyňylmalary boýunça Halkara obserwatoriýasynyň (IMEO) baştutany Manfredi Kaltadžiron Dubaýda, BAE-de halkara maýa goýum forumynda çykyş etmek bilen, türkmen nebit-gaz pudagynyň metanyň zyňylmalaryny kemeltmekde ýokary mümлinçiliginiň bardygyny belledi.
