Gazagystanly mugallym ýaby süýdünden taýýarlanan doňdurmalary eksport etmegi meýilleşdirýär

Iýul 05, 2023 | 18:02 |3881

Gazagystanyň Türkestan oblastynyň 11-nji kollejiniň pedagogy Žadyr Baýdaly kumysdan (ýaby ýa-da at süýdi) doňdurmalary öndürýär.

Pedagog bu önümçiligi arkaly kumysyň peýdaly taraplaryny giňişleýin açyp görkezmegi maksat edinýär. Beýleki doňdurmalardan tapawutlylykda, bu görnüşli doňdurma otda taýýarlanyp, onuň hakyky düzümi üýtgedilmeýär. Bioönümleriň ulanylmagy ulularyň we kiçileriň saglyk ýagdaýyna oňyn täsirini ýetirjekdigini mugallym belleýär. Ol ýaby süýdi goşulan sabyn önümçiligini hem ýola goýupdyr. Bu sabynlar özüniň bejerijilik häsiýeti bilen tapawutlanýar.

Geljekde, mugallym öz önümlerini daşary ýurtlara hem eksport etmegi maksat edinýär.

ORIENT news