Gazagystanda täze doglan çagalara ŞŞB berler
Gazagystanda doglan çagalara şahsy şahsyýet belgisi berler, bu ene-atalaryň şahsy ýüztutmasy bolmazdan birnäçe jemgyýetçilik hyzmatlaryny bermekligiň mehanizmini awtomatiki usulda işe girizer diýip, Kursiv.kz habar berýär.
Şu wagta çenli Içeri işler ministrligi diňe ene-atalar dogluş şahadatnamasy üçin ýüz tutanlarynda çaga ŞŞB berýärdi. Täze ulgama görä, RÝÝN çaganyň dünýä inendigi barada lukmançylyk kepilnamasyny alandan soň derrew şahsy maglumatlary almazdan awtomatiki usulda dogluş hakynda ýazgy namasyny döreder. Bu, ulgama ene-atalaryň şahsy ýüzlenmesi bolmazdan, köp sanly jemgyýetçilik hyzmatlaryny işjeň görnüşde hödürlemek mehanizmini awtomatiki usulda işe girizmäge mümkinçilik berer.
Ulgam tarapyndan enä iberilen SMS-a üç günüň içinde jogap berip, onda çaganyň familiýasy, ady we atasynyň ady barada maglumat görkezilmelidir. Bu maglumatlary alanyn badyna dogluş şahadatnamasy dörediler.
«Dogluş hakyndaky şahadatnama berilmezinden ozal, doly ady bolmadyk çaga ŞŞB bellemek mehanizmini ornaşdyrmak, diňe doglan çagalaryň döwlet edaralarynyň maglumat ulgamlarynda doly hasaba alynmagyna däl- de, eýsem häzirki döwürde ene-atalara çaganyň dünýä inmegi bilen baglanyşykly jemgyýetçilik hyzmatlaryny hem bermäge mümkinçilik berer», – diýip habarda aýdylýar.
ORIENT news
