Gürleşip bolýan “akylly” welosiped döredildi
Iýul 05, 2023 | 12:48 |5802
Hytaýda “Fusion” diýlip atlandyrylan emeli intellektli elektrowelosiped tanyşdyryldy. “Urtopia” kompaniýasy tarapyndan işlenip taýýarlanan bu welosiped bilen adamlar gürleşip bilerler.
Onda ornaşdyrylan “ChatGPT” çat-botynyň kömegi bilen gezelenç wagty gürleşip ýa-da gidilýän ugur barada maglumat alyp bolar. Welosipedi dürli howa we ýol şertlerine uýgunlaşdyryp bolýar. Ol welosiped sürýäniň saglyk ýagdaýy we işjeňligi barada maglumatlary hem berýär.
Bu welosiped diňe bir ulag serişdesi bolman, ol ýolda adamyň ýoldaşy we ýakyn kömekçisi bolup biler.
ORIENT news
