Belarus döwlet uniwersitetinde ilkinji gezek GDA ýurtlarynyň Amaly demografiýa boýunça halkara tomusky mekdebi geçiriler. Ol 26-njy iýunda başlar we 1-nji iýula çenli dowam eder – diýip, BelTA agentligi habar berýär.
Özbegistanyň Buhara şäherinde ýerleşýän Mir-Arab medresesi 32 ýyllyk arakesmeden soň russiýaly talyplary okuwa kabul edip başlar. Sowet döwründe Russiýanyň musulman dini işgärleriniň köpüsi bu ylahyýet mekdebinde bilim aldy - diýip, Russiýanyň Musulmanlarynyň ruhy mejlisiniň müftüleriniň başlygy Albir Krganow gürrüň berdi – diýip, RIA Nowosti habar berýär.
Ulag gatnaşyklary meselesinde Türkmenistan bilen Eýranyň umumy gyzyklanmalary bar we her gije-gündizde 600 wagonyň Sarahs we Inçeburun serhet geçelgelerinden geçýändigini nazara almak bilen, ulaglaryň köpelmegine garaşylýar. Bu meseleler Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş müdiri Mämmethan Çakiýewiň Eýran Yslam Respublikasynyň Ýol we şäher gurluşygy ministri Mehrdad Bazrpaş bilen geçirilen duşuşygynda ara alnyp maslahatlaşyldy. Duşuşyk 30-njy maýda, sişenbe güni Türkmenistanyň Halk Maslahatynyň Başlygy Gurbanguly Berdimuhamedowyň Tährana amala aşyrýan iş saparynyň çäklerinde geçirildi.
31-nji maýda Ýerewanyň merkezinde ýerleşýän Aram Haçaturýan adyndaky konsert zalynda Ermenistanda Türkmenistanyň Medeniýet günleriniň açylyşy bolar. Gadymy sungat ybadathanalarynyň biriniň sahnasynda türkmen artistleri we döredijilik ussatlary uly konsert programmasy bilen çykyş ederler.
Şanhaý Hyzmatdaşlyk Guramasyna ilkinji gezek başlyklyk etmeginiň çäginde Hindistan 4-nji iýulda premýer-ministr Narendra Modiniň ýolbaşçylygynda ŞHG- niň Döwlet baştutanlarynyň geňeşiniň 22-nji sammitini geçirer - diýip, UNI habarlar agentligi habar berýär.
Saglygy goraýyş ministrlikleriniň we Ermenistanyň, Gyrgyzystanyň, Moldowa Respublikasynyň, San Marino, Täjigistanyň, Türkmenistanyň we Özbegistanyň ministrlikleriniň orta derejeli hünärmenleri Bütindünýä Saglygy goraýyş Guramasynyň ÝSG-nyň ýakynda Kopengagende tamamlanan Liderlik akademiýasy (ELA) taslamasynyň ikinji derejesine gatnaşdylar.
Häzirki wagtda Eýran bilen Türkmenistanyň arasynda 500 MWt energiýa alyş- çalyş kuwwaty iki ýurduň arasynda täze elektrik geçiriji liniýa açylandan soň iki esse artar. Bu barada Eýranyň Energetika ministri Ali Akbar Mehrabyan Tährana sapar amala aşyrýan Türkmenistanyň Halk Maslahatynyň Başlygy Gurbanguly Berdimuhamedowyň ýanyndaky türkmen wekiliýeti bilen sişenbe güni geçirilen duşuşykdan soň žurnalistlere aýtdy.
Türkmenistan GDA-nyň Ykdysady geňeşinde ykdysady meseleler boýunça Komissiýasynyň Moskwada bolup geçen nobatdan daşary mejlisine gatnaşdy. Bu barada Arkalaşygyň metbugat gullugy habar berýär.
Bütindünýä saglygy goraýyş guramasy we Koreýa Respublikasy biotehnologiki önümçilik babatynda hünärmenleri taýýarlamagyň bütindünýä merkezini döretmek boýunça özara düşünişmek hakynda Ähtnama gol çekdiler. Bu barada BSGG-nyň resmi saýtynda habar berilýär.
Taraplar hyzmatdaşlygyň ösüşi we geljegi, şol sanda Russiýanyň Özbegistana gaz üpjünçiligi meselesini ara alyp maslahatlaşdy diýip, Russiýanyň energetika kompaniýasynyň metbugat gullugy habar berýär.
Eýranyň Daşary işler ministrliginiň Pars aýlagy meseleleri boýunça baş müdiri Alireza Enaýati IRNA habarlar agentligi bilen söhbetdeşlikde Omanyň soltany Haýtam bin Tarik Al Saidiň ýakynda Tährana eden saparynyň dowamynda ulag we üstaşyr hyzmatdaşlygy meseleleriniň esasy ara alnyp maslahatlaşylan mowzuklar bolandygyny aýtdy.Enaýatiniň sözlerine görä, Tähran bilen Maskatyň arasynda Eýranyň, Omanyň, Türkmenistanyň we Özbegistanyň arasyndaky üstaşyr ugra degişli "Aşgabat şertnamasyny" işjeňleşdirmek üçin çynlakaý gepleşikler alnyp barylýar.
Türkmen-rus Margiana arheologik ekspedisiýasynyň alymlary Goňurdepedäki 31 jaýlamanyň süňk galyndylaryny derňeýärler, şeýle hem gadymy şäheriň ilatynyň gürlügini ýüze çykarmak üçin ilatly ýerleriň agtaryş-barlag işlerini alyp barýarlar.
Gomeliň kärhanalary GDA ýurtlarynyň II Oýunlarynyň nyşany bilen önümleri çykararlar – diýip, şäheriň ýerine ýetiriji komitetiniň başlygy Wladimir Priwalowa salgylanyp, BelTA habar berýär.
BMG-nyň BIÝK, BMG-nyň Bosgunlaryň işi boýunça Guramasy, şu gün sişenbe güni Almatyda, Merkezi Aziýanyň hökümetleriniň, raýat jemgyýetiniň we BMG- nyň beýleki guramalarynyň wekilleriniň ýokary derejeli işgärleriň gatnaşmagynda raýatsyzlygy ýok etmek boýunça tegelek stol geçirdi.
Akylly şäherler senagatyň ösmegi üçin we ilatyň ýaşaýyş derejesini ýokarlandyrmak üçin amatly gurşawy döredýärler. Şunuň bilen baglylykda, bütin dünýäde şäher häkimlikleriniň hünärmenleri has akylly we howpsuz ýaşaýyş giňişliklerini döretmek üçin sanly özgertmäni öwrenip başladylar.
