Gazagystanda doglan çagalara şahsy şahsyýet belgisi berler, bu ene-atalaryň şahsy ýüztutmasy bolmazdan birnäçe jemgyýetçilik hyzmatlaryny bermekligiň mehanizmini awtomatiki usulda işe girizer diýip, Kursiv.kz habar berýär.
Türkmenistanyň Halk suratkeşi, heýkeltaraş Babasary Annamyradowyň eserleriniň şahsy sergisi 15-nji iýulda Moskwa şäheriniň Gündogar halklarynyň sungaty döwlet muzeýinde açylar. Moskwaly sungaty söýüjileriň ussat heýkeltaraşyň döredijiligi bilen eýýäm tanyşdygyna seretmezden, türkmen heýkeltaraşynyň elinden çykan ajaýyp eserler Russiýanyň paýtagtynda birinji gezek sergilenýär – diýip, “Kultura.RF” ýazýar.
Gazagystanyň Türkestan oblastynyň 11-nji kollejiniň pedagogy Žadyr Baýdaly kumysdan (ýaby ýa-da at süýdi) doňdurmalary öndürýär.
Gazak kollejini tamamlan uçurymlar ilkinji gezek QR diplomlary aldylar. Bu kod diplom kagyzynyň ýüzünde ýerleşýär diýip, ýurduň Bilim ministrligi habar berýär. Bu kodlar diplomlaryň goraglylygyny üpjün edip, ol degişli tehnologiýalar arkaly “tanalmagyny” üpjün eder.
Şu günler Pariž, ähli iň ýokary «lowurdynyň» we abraýly kuturýeleriň gelen dünýäniň moda paýtagtyna öwrüldi. Abraýly Oriental Fashion Show 2023 waka, 4-nji iýulda gündogar modasynyň panoramasynda, kaşaň kolleksiýalaryny hödürlän Liwan, Marokko, Gazagystan ýaly dürli ýurtlaryň iň oňat dizaýnerlerini bir ýere jemledi.
2007-nji ýylda çykarylan gurlan ýady 4GB deň bolan asyl iPhone zeper ýetmedik zawod gaplamasynda LCG Auctions bäsleşikli söwdasyna çykarylypdyr. Lotyň bahasy 100 000 ABŞ dollaryna deň.
Narkotiki serişdelere garşy göreşmegiň we onuň bikanun dolanyşygy boýunça halkara güni mynasybetli Aşgabatda sport bäsleşigi geçirildi. Bu çäre Türkmenistanyň Bedenterbiýe we sport baradaky döwlet komiteti, BMG-niň Türkmenistandaky hemişelik wekilhanasy, BMG-niň neşe serişdelerine we jenaýatçylyga garşy göreşmek müdirligi we Hindistanyň Türkmenistandaky ilçihanasy tarapyndan guraldy.
Türkmenbaşy şäheriniň we “Awaza” milli syýahatçylyk zolagynyň ýaşaýjylary we myhmanlary “Taksi Hyzmatyny” ulanyp, oturan ýerlerinden taksi sargyt edip bilerler. Bu hyzmat “Türkmenawtoulaglary” agentliginiň “Türkmenbaşy” awtokärhanasy tarapyndan ýola goýuldy.
Arkadag şäherinde demir ýol menzili, awtotoplum we bellige alyş nokady, awtomobil menzili, Gorjaw etrap häkimliginiň edara binasy, saglyk öýi gurlar.
Hytaýda “Fusion” diýlip atlandyrylan emeli intellektli elektrowelosiped tanyşdyryldy. “Urtopia” kompaniýasy tarapyndan işlenip taýýarlanan bu welosiped bilen adamlar gürleşip bilerler.
Russiýada messenjerleri ulanmak arkaly hassalaryň saglyk ýagdaýyna gözegçilik edilip başlandy. Ýürek ýetmezçilikli hassalaryň saglyk ýagdaýyna gözegçilik etmäge mümkinçilik berýän bu innowasion ulgam I.M. Seçenow adyndaky Moskwanyň birinji döwlet lukmançylyk uniwersitetiniň hünärmenleri tarapyndan işlenilip taýýarlanyldy.
Mark Sukerbergiň Meta kompaniýasy Instagram-yň esasynda Threads atly täze platforma badalga berer, ol Ilon Maskyň Twitterine göni bäsdeş bolar- diýip, BBC ýazýar.
Gazagystanda lukmançylyk syýahatçylygy ösýär. Iň meşhur ugurlar neýro we kardio hirurgiýa, perinatal lukmançylyk, newrologiýa we stomatologiýa hasaplanýar. Ýylyň başyndan bäri bejergi we anyklaýyş üçin respublika üç müň adam geldi. Ýylyň ahyryna çenli 8 müň töweregi adamyň gelmegine garaşylýar – diýip, “Habar 24” habar berýär.
Şanhaý Hyzmatdaşlyk Guramasynyň agzalary, synçy ýurtlar – Türkmenistanyň köpýyllyk hyzmatdaşlary, goňşulary we dostlary, şonuň üçin ŞHG bilen gepleşikler ýurdumyz üçin ikitaraplaýyn gatnaşyklarda bolşy ýaly, sebitleýin we global derejedäki meselelere gatnaşmagyň logiki ösüşidir. Bu barada Prezident Serdar Berdimuhamedow sişenbe güni ŞHG agza ýurtlaryň döwlet baştutanlarynyň geňeşiniň mejlisinde başlyklyk edýän ýurt - Hindistan tarapyndan çagyrylan myhman hökmünde wideoaragatnaşyk arkaly eden çykyşynda aýtdy.
“Apple” kompaniýasy goşmaça wirtual hakykatly “Vision Pro” atly enjamynyň 2024-nji ýylda meýilleşdiren önümçiligini ep-esli azaldar. Bu görnüşli önümiň 1 millionynyň ýerine geljek ýylda 400 müň sanysy öndüriler.
