Türkmen ilçisi Özbegistanyň Daşary işler ministrliginde kabul edildi
Ýanwar 06, 2024 | 11:58 |7080
Özbegistan Respublikasynyň daşary işler ministriniň orunbasary Rahmatulla Nurimbetow Türkmenistanyň ilçisi Şadurdy Meredow bilen duşuşyp, hyzmatdaşlygyň geljekki ugurlaryny maslahatlaşdy. Bu barada "UzDaily" neşiri habar berýär.
Duşuşykda hususan-da, syýasy-diplomatik, söwda we maýa goýum, ulag-logistika, medeniýet, syýahatçylyk ugurlarynda hyzmatdaşlygy mundan beýläk-de ösdürmegiň geljegi hem-de halkara guramalaryň çäklerindäki özara gatnaşyklar ara alnyp maslahatlaşyldy.
Şeýle hem, Türkmenistanyň diplomatik wekili ministriň orunbasary bilen parlamentara we sebitara gatnaşyklary işjeňleşdirmek meselelerini ara alyp maslahatlaşdy hem-de täze ýylda meýilleşdirilýän çäreleriň tertibi bilen tanyşdy.
ORIENT news
