Saud Arabystanynyň haj we umra işleri boýunça ministri doktor Taufik bin Fauzan Al-Rabianyň ýolbaşçylygyndaky zyýaratçylara hyzmat etýän wekiliýet Türkmenistana resmi saparyny amala aşyrdy.
Russiýa Federasiýasynyň Prezidenti Wladimir Putin 11-nji oktýabrda Türkmenistana iş sapary bilen geler. Döwlet Baştutanynyň sapary kömekçisi Ýuriý Uşakow tarapyndan geçirilen brifingde yglan edildi.
Gyrgyz Respublikasynyň Ulag we aragatnaşyk ministriniň orunbasary Bekžan Rysmendeýew öz ýurdunyň Hazarüsti ulag geçelgesiniň ösdürilmegine gyzyklanma bildirýändigini we infrastrukturany hem-de multimodal logistikany kämilleşdirmek başlangyçlaryny goldaýandygyny beýan etdi. Bu barada ministr 3-nji oktýabrda Aşgabatda Hazarüsti ulag geçelgesiniň utgaşdyryjy platformasyny işe girizmek boýunça geçirilen ýokary derejeli çärede aýtdy.
Aşgabatda Russiýa Federasiýasynyň Medeniýet, ylym we bilim bölümi Russiýa Federasiýasynyň türkmen dalaşgärlerine 2025-2026-njy okuw ýyllary üçin 500 okuw kwotasyny aýyryp berendigini habar edýär.
Garaşsyz Döwletleriň Arkalaşygynyň Daşary işler ministrleriniň Geňeşiniň nobatdaky mejlisi 7-nji oktýabrda, duşenbe güni Moskwada geçiriler.
Garaşsyz Döwletleriň Arkalaşygynyň Döwlet Baştutanlarynyň Geňeşi nobatdaky mejlisi 8-nji oktýabrda Moskwada geçiriler. Döwlet Baştutanlary GDA-nyň çägindäki hyzmatdaşlyk barada pikir alyşarlar we 2025-nji ýylda Arkalaşyga başlyklyk etmek baradaky karary kabul ederler.
6-njy oktýabrda, Hatyra gününde Türkmenistanda 1948-nji ýyldaky Aşgabat ýer ýertitremesiniň pidalary hem-de söweş meýdanlarynda wepat bolan gahrymanlar hatyralanylýar.
9-12-nji oktýabrda Türkmenistanda saglygy goraýyş ulgamyna degişli täze binalaryň açylyş dabaralary bolar. Şeýlelik bilen, şol günler Aşagabatda Halkara fiziologiýa ylmy-kliniki merkeziniň we Halkara sagaldyş-dikeldiş merkeziniň, Türkmenabatda – glisirrizin turşusyny öndürýän kärhanasynyň we Mary welaýatynda – welaýat we şäher Arassaçylyk we keselleriň ýaýramagyna garşy göreşmek gullugynyň edara binasynyň açylyş dabaralary bolar.
10-njy oktýabrda Arkadag şäherinde geçiriljek VI Wena balyna görülýän taýýarlyk barada anna güni Türkmenistan Ministrler Kabinetiniň mejlisinde habar berildi. Şunuň bilen baglylykda, Prezident Serdar Berdimuhamedowyň garamagyna bu medeni çäräni geçirmek bilen bagly degişli teklip hödürlenildi.
4-nji oktýabrda, anna güni, Türkmenistanyň Döwlet haryt-çig mal biržasynda geçirilen söwdalaşyklaryň dowamynda “Türkmennebit” Döwlet konserniniň önümlerine uly isleg bildirildi.
Döwlet Baştutany Serdar Berdimuhamedow anna güni geçirilen Ministrler Kabinetiniň mejlisinde şu ýylyň ýanwar-sentýabr aýlary aralygynda Türkmenistanda geçirilen işleriň netijelerine oňyn baha berdi.
Türkmenistanyň ykdysadyýeti şu ýylyň dokuz aýynda durnukly ösüşi görkezdi.
Türkmenistanda üç sany onkologiýa hassahanasy gurlar: Balkan we Lebap welaýatynda hersi 150 orunlyk we Mary welaýtynda 200 orunlyk.
Türkmenistanyň Prezidenti Serdar Berdimuhamedow anna güni şu ýylyň ýekşenbe gününe gabat düşýändigi sebäpli Hatyra güni bilen baglanyşykly dynç güni yza süýşürmek baradaky Permana gol çekdi.
Türkmenistanyň Mejlisiniň wekilleri 4-nji oktýabrda Gyrgyzystanyň Bişkek şäherinde geçirilen Merkezi Aziýa ýurtlarynyň zenanlar diologynyň forumyna gatnaşdy.
