PFL-ň finaly: Döwletjan Ýagşymyradow - Impa Kasanganaýa. Haýsy platformalardan tomaşa etmeli
Türkmenistanly garyşyk söweş sungatynyň ussady Döwletjan Ýagşymyradow karýerasyndaky iň möhüm bir söweşini geçirer. 29-dan 30-njy noýabra geçilýän gijesinde, PFL Season Championships ýaryşynyň finalynda amerikaly Impa Kasanganaý bilen duşuşar.
Söweş Saud Arabystanynyň Er-Riýad şäherindäki “King Saud University” Arena-da bolar. Öňde diňe bir PFL-ň ýeňil agyr agramda çempionlyk däl, eýsem 1 million amerikan dollar baýrak hem bar. 35 ýaşly Ýagşymyradow ýaryşyň esasy kardynda çykyş eder. Aşgabat wagty bilen sagat 23: 00-dan başlap tutluşyklar badalga alar. Türkmen türgeniň söweşi biraz soňra başlar.
Döwletjan Ýagşymyradowyň professional rekordy: 24 ýeňiş, 1 deňlik we 7 utulyş. Boýy: 180 sm. 30 ýaşyndaky Impa Kasanganaýyň rekordy 17 ýeňiş we 4 ýeňiş. Boýy - 183 sm.
Söweşi ESPN +, Sport + we Setanta Sport kanallarynda, Belet Video şeýle hem Okko onlaýn-kinoteatrynda görüp bilersiňiz.
ORIENT news
