Hytaý köpsanly ýurtlaryñ raýatlaryna wizasyz girişi hödürlär
2024-nji ýylyñ 30-njy noýabryndan - 2025-nji ýylyñ 31-nji dekabryna çenli Bolgariýanyñ, Rumyniýanyñ, Horwatiýanyñ, Çernogoriýanyñ, Demirgazyk Makedoniýanyñ, Maltanyñ, Estoniýanyñ, Latwiýanyñ we Ýaponiýanyñ adaty pasport eýeleri üçin synag wizadan boşatmalar hereket eder. Wizasyz bolmak möhleti 2 esse köpeler - 30 güne çenli diýip, HHR-iñ Daşary işler ministrliginiñ wekili Lin Szýan habar berdi.
Bu bolsa Hytaýyñ birtaraplaýyn wizasyz syýasatynyñ çäklerini 29 ýurtdan 38 ýurda çenli giñelder. 2023-nji ýylyñ 1-nji dekabryndan Hytaý Fransiýanyñ, Germaniýanyñ, Italiýanyñ, Niderlandlaryñ, Ispaniýanyñ we Malaýziýanyñ adaty pasport eýeleri üçin birtaraplaýyn wizasyz tertibini girizip başlady. Soñra bu düzgünler başga ýurtlara hem ýaýrady. Şu ýylyñ ýanwar-sentýabr aýlarynda daşary ýurt maýa goýumly 42 müñ täze kärhanalar döredildi, bu bolsa HHR-iñ DIM-niñ maglumatlaryna laýyklykda geçen ýylyñ şu döwri bilen deñeşdirilende 11,4 % köpdür.
Indi Hytaýa syýahatlar has özüne çekiji bolar, sebäbi daşary ýurtly raýatlar añsatlaşdyrylan düzgünlerden we peseldilen ýygymlardan, şeýle hem tizleşdirilen serhet geçmelerinden peýdalanyp bilerler. Wizasyz giriş mümkinçilikleri baradaky bildirişden soñ Trip.com kompaniýasynyñ halkara platformalarynda Hytaýyñ şäherlerine bolan gyzyklanma artdy: 30 sekundyñ içinde yewropa saýtlaryndaky gözleg talaplary 65 %, ýapon saýtlarynda bolsa 112 % ýokarlandy. Mundan başga-da Ýaponiýanyñ dürli şäherlerinden Hytaýa göni gatnawlaryna bolan gyzyklanma hem ep-esli derejede ýokarlandy.
