“Berkarar” söwda we dynç-alyş merkezinde SMS arkaly ses berilşik tamamlanyp, satyn alyjylar iň gowy dükany saýladylar. Bir aýyň dowamynda olar 0530 belgä SMS ýollap, özüniň gowy görýän dükanlaryna goldaw berip bildiler.
Birleşen Arap Emirliklerinde (BAE) 2025-nji ýylda mukaddes Remezan aýynyň başlanylmagyny takyk kesgitlemek üçin emeli aňly dronlar ulanyldy.
Aşgabatda şu ýylyň 18-nji martynda geçiriljek Türkmenistanyň hususy bölegine maýa goýumlary çekmek boýunça halkara forumyna taýýarlyk görülýär. Çärede hususy bölekde ygtybarly maýa goýum mümkinçiliklerine we taslamalaryň durmuşa geçirilmegine serediler, uzak möhletleýin maýa goýumlar üçin ykdysadyýetiň ileri tutulýan pudaklary hödürlener.
Bakuda Kaliforniýadaky meşhur Kremniý jülgesine menzeş IT-klasteri döretmegi meýilleşdirýärler.
Microsoft kompaniýasy Skype internet-jañlar hyzmatynyñ ýapylýandygy barada habar berdi. Bu waka 2025-nji ýylyñ 5-nji maýynda bolup geçer. Bu baradaky karar ulanyjylaryñ arasynda has meşhur bolan kompaniýanyñ Microsoft Teams platformasynyñ ösüşine ünsi jemlemek bilen şertlendirilen.
28-nji fewralda Türkmenistanyň Belgiýa Patyşalygyndaky Ilçihanasynda Lille Katolik uniwersitetiniň talyplary we mugallymlary üçin ýörite çäre geçirdi. Duşuşyk Türkmenistanyň ählumumy derejede parahatçylygy we durnuklylygy ösdürmekdäki taryhy ornuna we Türkmenistanyň başlangyjy bilen yglan edilen 2025-nji ýyl Halkara parahatçylyk we ynanyşmak ýylyna , şeýle hem ýurduň hemişelik Bitaraplygynyň 30 ýyllygyna bagyşlandy
28-nji fewralda, anna güni Türkmenistanyň Minskdäki Ilçisi Nazarguly Şagulyýew Belarus Respublikasynyň Daşary işler ministriniň orunbasary Pawel Utýupin bilen duşuşdy. Duşuşygyň barşynda türkmen diplomaty türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyndan Belarus Respublikasynyň Prezidenti Aleksandr Lukaşenkonyň adyna ýollanan Türkmenistanyň hemişelik Bitaraplygynyň 30 ýyllygyna bagyşlanyp geçiriljek Parahatçylygyň we ynanyşmagyň halkara forumyna resmi çakylyk hatyny gowşurdy
Microsoft kompaniýasy Majorana 1-i – dünýäniň ilkinji topgeçiriji kwant çibini hödürledi. Bu topgeçirijiler täze madda ýagdaýyny döredýär – gaty, suwuk ýa-da gaz däl-de, topologiki. Hünärmenler topgeçirijileri XX asyrda ýarymgeçirijileriň döredilmegi bilen deňeçer düýpli açyş hasaplaýarlar
Bütindünýä bankynyň Ýewropa we Merkezi Aziýa boýunça wise-prezidenti Antonella Bassani iş sapary bilen Türkmenistana geldi. Saparyň dowamynda ýurduň ykdysady ösüşinde we sebitleýin hyzmatdaşlygynda öňdebaryjy halkara maliýe instituty bilen Türkmenistanyň hyzmatdaşlygynyň ähmiýetine ünsi çekip, ýokary derejeli duşuşyklar geçirildi
Aşgabatda “QazaqGaz” MK” PJ-niň Müdiriýetiniň başlygy Sanjar Žarkeşow we Türkmenistanyň döwlet ministri, “Türkmengaz” döwlet konserniniň başlygy Maksat Babaýew iş duşuşygy geçirdi
28-nji fewralda Aşgabat şäherinde Türkmenistanyň Daşary işler ministri Raşid Meredow bilen Bütindünýä bankynyň Ýewropa we Merkezi Aziýa boýunça wise-prezidenti Antonella Bassaniniň arasynda duşuşyk geçirildi. Duşuşyga Bütindünýä bankynyň sebitleýin direktorlary we Halkara maliýe korporasiýasynyň wekilleri hem gatnaşdylar
28-nji fewralda, anna güni Türkmenistanyň Daşary işler ministri Raşid Meredow bilen Eýran Yslam Respublikasynyň konsullyk, parlament meseleleri we daşary ýurtlarda ýaşaýan eýranlylaryň işleri boýunça Daşary işler ministriniň orunbasary Wahid Jalalzadeniň arasynda duşuşyk geçirildi
Bütindünýä saglygy goraýyş guramasynyň (BSSG) Ýewropa sebit edarasynyň tehniki geňeş missiýasy 24-nji fewralda bäş günlük sapar bilen Türkmenistana geldi. Ony BSSG ÝSE-nyň inçekesel/LU-TB boýunça sebit geňeşçisi, doktor Askar Ýedilbaýew ýolbaşçylygynda, BSSG ÝSE-nyň eksperti doktor Mihail Wolik bilen bilelikde alyp bardy
Aýlagdaky ylmy-barlag merkezleriniň (Gulf Research Center, GRC) Er-Riýatdaky edarasynda GRC-niň başlygy doktor Abdulaziz Sager bilen Özbegistanyň Strategiki we sebitleýin ylmy-barlag institutynyň direktory Aldor Zaripowyň arasynda duşuşyk geçirildi
2025-nji ýylyň mart aýynyň ilkinji gününde Türkmenistanyň Suratkeşler birleşiginiň Sungat galereýasynda XX asyryň türkmen edebiýatynda özboluşly şygyrlary bilen öçmejek yz galdyran görnükli şahyr Gurbannazar Ezizowyň doglan gününiň 85 ýyllygyna bagyşlanyp, “Ynam” atly döredijilik sergisi açylar
