Fransiýanyñ senatory Türkmenistana sapar bilen geler
Daşary ýurtlarda ýaşaýan fransuz raýatlarynyñ isleglerine wekilçilik edýän Fransiýanyñ senatory Samanta Kazebon 2025-nji ýylyñ 23-24-nji iýunynda Türkmenistana resmi sspar bilen geler.
Türkmenistanyñ Fransiýadaky ilçihanasynyñ habar berşi ýaly, bu sapar Türkmenistanda fransuz diliniñ okadylşynyñ 30 ýyllygyna bagyşlanan çäreleriñ çäkerinde amala aşyrylyp, ikitaraplaýyn duşuşuklaryñ we medeni-bilim çäreleriñ geçirilmegini göz öñünde tutýar.
Saparyñ guralmagy barada 11-nji iýunda Fransuz Respublikasynyñ Senatynda Türkmenistanyñ Fransiýadaky Adatdan daşary we Doly ygtyýarly ilçisi Maksat Çaryýewiñ we respublikanyñ senatory Samanta Kazebonyñ arasynda geçirilen duşuşykda maslahatlaşdy.
Taraplar bilim ulgamy babatda ylalaşyklary, şol sanda şu ýylyñ 5-nji maýynda türkmen halkynyñ Milli Lideri, Türkmenistanyñ Halk Maslahatynyñ Bașlygy Gurbanguly Berdimuhamedowyñ Fransiýa amala aşyran resmi saparynyñ çäklerinde gol çekilen Umumy we ýokary bilim babatda 2025-2026-njy ýyllar üçin Ýol kartasyny durmuşa geçirmek meselelerini ara alyp maslahatlaşdylar.
Duşuşykda, esasan hem, ynsanperwer, bilim we medeniýet ulgamlarynda türkmen-fransuz hyzmatdaşlygyny ösdürmäge ikitaraplaýyn ygrarlylygy tassyklandy.
ORIENT
