Türkmenabatda täze hususy notarius açyldy
Lebap welaýatynyñ Türkmenabat şäherinde täze hususy notarius öz işine başlady. Bu edaranyñ açylşy ilatyñ hukuk hyzmatlaryna bolan elýeterliligini ýokarlandyrmaga we ýuridiki goldaw bermek ulgamyny ösdürmäge gönükdirilen döwlet syýasatyny amala aşyrmagyñ çäklerinde geçirildi.
Bu ýerde raýatlar resminamalary tassyklamak, notarial maslahatlary almak we Türkmenistanyñ kanunçulygynda göz öñünde tutulan beýleki ýuridiki hereketler boýunça ýokary hilli hyzmatlary alyp bilerler.
Täze hususy notariusyñ işi Türkmenistanyñ Prezidenti tarapyndan kesgitlenen ileri tutulýan ugurlara, hususan-da, hukuk kepilliklerini berkitmek hem-de raýatlaryñ ýuridiki kömek üçin ýüz tutmalaryna oñaýly şertleri döretmek boýunça ýörelgelere laýyklykda amala aşyrylýar.
Notariusyñ işinde dogruçyllyga, jogapkärçilige we kanunçylygyñ kada-düzgünleriniñ berk berjaý edilşine aýratyn üns berilendir.
Täze notariusyñ edara binasy "Bagy-Bossan" köçesi, jaý 9/1 salgysy boýunça ýerleşen.
Habarlaşmak üçin:
(+99365)92-51-86.
ORIENT
