1-nji iýundan başlap, eýranly ýük daşaýjylar Türkmenistanyň gury ýerüsti çägi boýunça Sarahs-Farap-Sarahs ugry bilen Özbegistana çenli gatnap bilerler. Bu barada “Türkmenawtoulaglary” agentliginiň saýtynda ýerleşdirilen bildirişde habar berilýär.
Anna güni Prezident Serdar Berdimuhamedow Aşgabadyň we Ahal welaýatynyň täze dolandyryş merkeziniň iri gurluşyk meýdançalaryndaky işleriň ýagdaýyny gözden geçirdi.
Türkmenistanyň Ministrler Kabinetiniň Başlygynyň orunbasary Muhammetdurdy Muhammedow Garaşsyz Döwletleriniň Arkalaşygynyň anna güni Gazagystanyň premýer ministri Alihan Smailowyň başlyklyk etmeginde geçirilen hökümet baştutanlarynyň geňeşiniň nobatdaky mejlisine gatnaşdy.
Penşenbe güni, 19-njy maýda Türkmenistanyň Döwlet haryt-çig mal biržasynda umumy bahasy 96,3 million manatlyk geleşikleriň 4-si baglaşyldy diýip, ORIENT-iň habarçysy habar berýär.
Türkmen parlamentiniň ýokary palatasynyň Başlygy Gurbanguly Berdimuhamedow Russiýa Federasiýasynyň Tatarystan Respublikasynyň ýokary döwlet sylagy - «Tatarystanyň öňünde bitiren hyzmatlary üçin» ordeni bilen sylaglandy diýip, şu günki resmi metbugat ýazýar.
Şu ýyl Türkmenistanda önümçilik we durmuş maksatly desgalaryň 52-si ulanylyşa tabşyrmaga taýýarlanylýar. Bu barada penşenbe güni Hökümetiň sanly ulgam arkaly geçirilen mejlisinde Prezident Serdar Berdimuhamedowa wise-premýer Muhammetguly Muhammedow hasabat berdi.
Penşenbe güni türkmen Hökümetiniň mejlisinde salgyt syýasaty babatda milli kanunçylygyň kämilleşdirilişi ara alnyp maslahatlaşyldy.
Türkmenistanda 2022-nji ýylyň ýanwar-aprel aýlarynda özleşdirilen düýpli maýa goýumlarynyň umumy möçberi 7,8 milliard manada deň boldy.
Türkmenistan milli ykdysadyýeti we ýokary tehnologiýalar ulgamy üçin Russiýa Federasiýasynyň Tatarystan Respublikasynyň ýokary okuw mekdeplerinde işgärleri taýýarlamagyň gerimini yzygiderli giňeltmäge taýýardyr. Bu barada türkmen parlamentiniň ýokary palatasynyň Başlygy Gurbanguly Berdimuhamedow KazanSummit 2022-de çykyş edeninde aýtdy.
Türkmen parlamentiniň ýokary palatasynyň Başlygy Gurbanguly Berdimuhamedow KazanSummit 2022 XIII Halkara ykdysady sammitde çykyş edip, Türkmenistanyň Russiýa Federasiýasynyň Tatarystan Respublikasy bilen özara gatnaşyklaryna uly üns berdi.
Sişenbe güni, 17-nji maýda Türkmenistanyň Döwlet haryt-çig mal biržasynda umumy bahasy $3,5 million we 1,2 milliondan gowrak manat bolan 4 geleşik baglaşyldy, diýip ORIENT-iň habarçysy habar berýär.
ORIENT habarlar saýtynyň örän giň ýaýrawly muşdaklarynyň sany indi has-da artdy: 19-njy maýdan başlap, biz köpsanly okyjylarymyzyň isleg bildirip ýüz tutan haýyşlaryny göz öňünde tutup, rus we iňlis dillerindäki habarlar bilen bir hatarda, türkmen dilinde hem habarlary ýerleşdirip başladyk.
Russiýanyň Prezidenti Wladimir Putin Türkmenistanyň Prezidenti Serdar Berdimuhamedowy “Dostluk” ordeni bilen sylaglamak baradaky Permana golçekdi.Bu baradaky resminama Russiýa Federasiýasynyň hukuk maglumatlarynyň resmi internet portalynda çap edildi.
2022-nji ýylyň 20-nji maýyndan Aşgabatdan we Türkmenistanyň beýleki sebitlerinden ýolagçy otlylarynyň hereket etmeginiň tertibi belli boldy.
Çarşenbe güni Türkmenistan Konstitusiýanyň we Döwlet baýdagynyň gününi belledi. Aşgabatda geçirilen resmi dabaralara Prezident Serdar Berdimuhamedow gatnaşdy.
