Türkmenistanyň Daşary işler ministrligi täze media platformasy arkaly konsullyk hyzmatlaryny çaltlaşdyrar
Türkmenistanyň Daşary işler ministrligi ýurduň raýatlary üçin konsullyk hyzmatlaryny we diplomatik gullugyň habarlaryny elýeter etjek täze media platformasyny döretmegi meýilleşdirýär.
– Daşary işler ministri Raşid Meredow şenbe güni Ministrler kabinetiniň mejlisinde: “Platforma ykjam enjamlar bilen baglylykda öýjükli aragatnaşyk arkaly işläp biler” diýdi, – diýip, şu gün resmi türkmen metbugaty ýazýar.
Ýurduň elektron aragatnaşyk ulgamyny giňeltmek we standartlaşdyrmak üçin özbaşdak Milli sanly tory döretmek teklip edildi. Türkmenistanyň sanly diplomatiýasyny ösdürmek üçin içerki diplomatik gullugyň halkara maglumat giňişliginde alyp barýan işlerini işjeňleşdirmek meýilleşdirilýär.
Türkmenistanyň Daşary işler ministrligi ýurt baradaky maglumatlary internetde yzygiderli ýaýratmak üçin iri halkara metbugat kompaniýalary bilen yzygiderli aragatnaşygy ýola goýar.
Şol bir wagtyň özünde, ministrlik BMG we beýleki halkara guramalarynyň çäginde kabul edilen kararlaryň we beýleki resminamalaryň ýygnalyp saklanjak ýöriteleşdirilen sanly kitaphananyň döredilmeginiň üstünde işleýär, şeýle hem Türkmenistanyň diplomatik gullugynyň sanly muzeýi dörediler.
ORIENT news
