Türkmenistanyň adam hukuklary we halkara ynsanperwer hukugy babatyndaky Halkara borçnamalaryny ýerine ýetirmek boýunça Pudagara komissiýanyň agzalary Ýewropa döwletiniň durmuş goraglylyk ulgamy bilen tanyşmak üçin Finlýandiýada boldular – diýip, BMGÖM-nyň Türkmenistandaky wekilhanasynyň habarynda mälim edilýär.
BAE Abu-Dabiniň halkara howa menzilinde pasport görkezmezden uçmaga mümkinçilik berýän täze biometriki tehnologiýalary synag edip başladylar – diýip, «Arabian Business» ýazýar.
Türkiýäniň energetika we tebigy serişdeler ministrliginiň ýolbaşçysy Fatih Dönmez ýurduň çäklerinde tebigy gazy Ýewropa ibermek boýunça eneregetika merkezini döretmek taslamasyny bir ýylyň dowamynda durmuşa geçirmegiň meýilleşdirilýändigini aýtdy. Bu barada TRT teleýaýlymyna salgylanyp, TASS habar berýär.
BMG-niň Azyk we oba hojalyk guramasy (FAO) hem-de Daşkentdaki Halkara Westminster uniwersiteti (DHWU) Özbegistanda önümleriň bahalaryna gözegçilik etmek we olary seljermek üçin onlaýn-hyzmaty işe girizdi diýip, özbek KHBS-leri ýazýarlar.
Russiýa Federasiýasynyň Türkmenistandaky ilçihanasy özüniň Telegram-ýaýlymynda konsulluk bölüminiň 29-njy dekabrdan 2023-nji ýylyň 8-nji ýanwary aralygynda täze ýyl mynasybetli dynç alyşa çykýandygyny habar berdi.
Maryda 22-nji dekabr, penşenbe güni 16 ýaşa çenli türgenleriň arasynda Türkmenistanyň basketbol boýunça çempionaty başlandy. Ýaryşlara bäş welaýatdan we Aşgabat şäherinden erkek we zenan toparlary gatnaşýarlar.
Arkadag şäheri – Ahal welaýatynyň täze dolandyryş merkezini şeýle atlandyrmak barada karara gelindi. Bu ýerde çarşenbe güni hökümetiň göçme giňişleýin mejlisi geçirildi. Bu baradaky çözgüdi Mejlisiň – türkmen parlamentiniň deputatlar palatasynyň başlygy Gülşat Mämmedowa habar berdi.
Taryhda ilkinji gezek “Garly ýoda” ady bilen gar ulaglarynda ralli ýaryşy Tatarstanyň gar bilen örtülen ajaýyp gyş tebigatynyň goýnunda geçiriler. 2023-nji ýylyň fewral aýynda “Ýüpek ýoly” Halkara ralli müdirligi ýaryşyň täze görnüşini açýar we “Ýüpek ýoly” ralli-reýdiniň gar ulaglarynda halkara sport ýaryşynyň (Silk Way Snow Journey) geçiriljekdigini yglan edýär – diýip, guramaçylaryň metbugat beýanatynda aýdylýar.
Taryhda ilkinji gezek giň gerimli sport forumy Belarusuň ähli welaýatlarynda – Minskde, Borisowda, Soligorskde, Molodeçnoda, Brestde, Orşda, Žlobinada, Grodnoda, Mogilewde geçiriler. Ýaryşlar sportuň 20 görnüşi boýunça geçer. Ýaryşlara 23 ýaşdan uly bolmadyk türgenleriň azyndan iki müňe golaýy gatnaşar, olar ýany bilen tälimçiler, eminler, sport ulgamynyň ýolbaşçylary, lukmanlar, žurnalistler hem-de janköýerler geler.
Ýurduň Daşary işler ministri Raşid Meredow 21-24-nji dekabr aralygynda türkmen wekiliýetiniň başynda Tokio amala aşyrýan iş saparynyň dowamynda çarşenbe güni birnäçe ikitaraplaýyn duşuşyklary geçirdi.
Bäş milliona golaý adam 2022-nji ýylda futbol boýunça dünýä birinjiligini gazananlary dabaraly garşylamak üçin Argentinanyň paýtagty Buenos-Aýresiň köçelerine çykdy, onda ak-gök reňklileriň milli ýygyndysy öz taryhynda üçünji gezek çempion boldy – diýip, Euronews habar berýär.
Şu günler, 21-nji we 22-nji dekabrda dünýäde günüň gyşky golaýlaşmasyna garaşylýar, ýagny Gün ýerden iň pes gorizontda ýerleşýär we iň uzak gije we iň gysga gündize garaşylýar.
25-nji dekabrdan 27-nji dekabra çenli Aşgabadyň sportuň gyşky görnüşleri Sport toplumynda daşary ýurt estrada ýyldyzlarynyň – Russiýanyň aýdymçylary JONY-niň, Dima Bilanyň, Nýuşanyň, şeýle hem Türkiýeden gelen Irem Derijiniň we Mustafa Sandalyň konsertleri bolup geçer.
Eýran Türkmenistandan gelýän gazyň öz çäginiň üstünden geçirilmegine we swoplaýyn iberilmegine uly ähmiýet berýär – diýip, EYR-nyň DIM-niň baştutany Hosseýn Amir Abdollahiýan beýan etdi – diýip, Eýranyň daşary işler ministriniň öz kärdeşi Raşid Meredow bilen geçiren telefon gepleşikleriniň jemleri boýunça Mehr agentligi habar berýär.
USAID guramasynyň suw serişdeleri we daşky gurşaw boýunça sebitleýin taslamasy Türkmenistanyň suw hojalygy baradaky döwlet komiteti bilen bilelikde Daşoguz welaýatyndaky Şawat kanalynyň kenarynyň ugruny berkitmek işlerini geçirýär. Munuň üçin Daşoguz şäheriniň we onuň töweregindäki ýerleriň esasy suw arteriýasy bolan kanalyň ugrundaky kenary gorajak tokaý zolaklary döredilýär.
