RF-niň Aşgabatdaky ilçihanasy täze ýyl mynasybetli 10 günlük dynç alyşa çykar
Russiýa Federasiýasynyň Türkmenistandaky ilçihanasy özüniň Telegram-ýaýlymynda konsulluk bölüminiň 29-njy dekabrdan 2023-nji ýylyň 8-nji ýanwary aralygynda täze ýyl mynasybetli dynç alyşa çykýandygyny habar berdi.
Döwlet baýramçylyklary sebäpli, konsulluk bölüminde deslapky ýazgylar boýunça kabul edişlikler baýramçylyk günlerinde amala aşyrylmaz diýlip, habarda aýdylýar.
Taýýar wizalar hem-de rus daşary ýurt pasportlary 2022-nji ýylyň 29-njy dekabryna çenli berler (13:00 çenli).
2023-nji ýylyň 9-njy ýanwaryndan başlap, kabul edişlikleri adaty tertipde geçirilip başlanar.
Russiýanyň Aşgabatdaky ilçihanasynyň konsullyk bölüminiň şu salgyda: Saparmyrat Türkmenbaşy şaýoly, 11-nji jaý (girelge howly tarapdan) ýerleşýändigini ýatladýarys. Maglumat üçin telefon belgi: +99312940741 (iş günleri 9:30-dan 16:00-a çenli).
Täze ýyl baýramçylygy günlerinde russiýalylar 2022-nji ýylyň 31-nji dekabryndan 2023-nji ýylyň 8-nji ýanwaryna çenli dynç alýarlar. 2022-nji ýylda 31-nji dekabryň şenbe we iş güni däldigi sebäpli, dynç günleriniň umumy dowamlylygy dokuz gün bolar.
ORIENT news
