HKS-de nobatdaky uzak möhletleýin rus ekspedisiýasynyň kosmonawtlary uçuşa taýýarlyk görmeklerini dowam edýärler. Ekspedisiýa biziň ildeşimiz Oleg Kononenko ýolbaşçylyk eder. Geçen gezek adatdan daşary ýagdaýlar işlenildi, indi bolsa uçrmansyz enjamlaryň stansiýa ýakynlaşmagyny we birleşmegini dolandyrmagyň üstünde türgenleşdiler.
Penşenbe güni Türkmenistanyň we Awstriýanyň DIM-niň ýolbaşçylary wideo arkaly geçirilen gepleşiklerde iki ýurduň medeni gatnaşyklarynda Türkmen-Awstriýa jemgyýetiniň alyp barýan işine hem-de eýeleýän ornuna baha berdiler. Diplomatlar Jemgyýetiň gatnaşmagynda Aşgabatda we Wenada özara Medeniýet günleriniň, bilelikdäki “Galkynyş” simfoniki orkestriniň çykyşlarynyň yzygiderli geçirilýändigini bellediler. Türkmen paýtgatynda guralýan Wena baly bu ugurdaky gatnaşyklaryň nusgalyk mysaly hökmünde görkezildi.
Çarşenbe güni Azerbaýjanyň paýtagtynda ylmy we döredijilik intelligensiýasynyň, KHBS-niň wekilleriniň we XVIII asyr Gündogaryň beýik akyldarynyň döredijiliginiň muşdaklarynyň gatnaşmagynda “Magtymguly Pyragy - dünýä edebiýatynyň görnükli şahyry” atly Halkara ylmy-amaly maslahaty geçirildi.
Fewralyň ahyryna çenli Gazagystanyň Türkmenistan we Özbegistan bilen döwlet serhetlerindäki geçiriş nokatlarynda elektron nobaty giriziler. Olaryň hatarynda – 22-nji fewraldan “Temir-baba” we 27-nji fewraldan – “Tažen” geçiriş nokatlary bar. Geçiriş nokatlaryň ikisi-de Mangistau oblastynda ýerleşýär. Birinjisi – Türkmenistan bilen, ikinjisi – Özbegistan bilen serhetdedir. Bu barada GR-niň Döwlet girdejiler komitetiniň metbugat-gullugyna salgylanyp, “Kazinform” habar berýär.
Penşenbe güni Aşgabatda gol çekilen ikitaraplaýyn ylalaşyklaryň çäginde Türkmenistanyň ÝOM-niň ikisinde ÝUNESKO kafedrasy açylar. Resminamalara gol çekmek dabarasy Türkmenistanyň Daşary işler ministrliginde geçirildi – diýlip, ministrligiň internet saýtynda çap edilen duşuşygyň metbugat beýanatynda habar berilýär.
Şu gün paýtagtymyzda BMG-niň Bilim, ylym we medeniýet meseleleri boýunça guramasy bilen Magtymguly adyndaky Türkmen döwlet uniwersitetinde “Medeni miras: geçmişden geljege” hem-de Seýitnazar Seýdi adyndaky Türkmen döwlet mugallymçylyk institutynda “Durnukly ösüş üçin ekologiýa bilimi” atly ÝUNESKO-nyň kafedralaryny döretmek hakynda Ylalaşyklara gol çekmek dabarasy boldy.
Şu gün hormatly Prezidentimiz Serdar Berdimuhamedowyň tabşyrygy boýunça Mejlisiň Başlygy G.Mämmedowa birnäçe döwletleriň wezipä täze bellenen ilçilerinden – Şwesiýa Patyşalygynyň Adatdan daşary we Doly ygtyýarly ilçisi Tomas Danestadden, Niderlandlar Patyşalygynyň Adatdan daşary we Doly ygtyýarly ilçisi Andre Karstensden, Mongoliýanyň Adatdan daşary we Doly ygtyýarly ilçisi Doržiýn Baýarhuudan ynanç hatlaryny kabul etdi.
Hormatly Prezidentimiz Serdar Berdimuhamedow Täjigistan Respublikasynyň Prezidenti Emomali Rahmona ýurduň Daglyk-Badahşan awtonom oblastynda bolup geçen, köpsanly adam pidalaryna we şikest ýetmelerine hem-de weýrançylyklara getiren gar süýşgünleri zerarly gynanç hatyny iberdi.
16-njy fewral, penşenbe güni Aktau şäherinde ýerleşýän "Nur-Plaza" myhmanhanasynda sergi ýarmarkasy açyldy, sergide dürli ýurtlardan şaý-sepler, haly, keçe we dokma önümleri bar. Türkmenistandan elde dokalan haly we haly önümleri sergide Gazagystanyň Astana şäherinden «Tumar Carpets» ("Tumar halylary") kompaniýasy tarapyndan hödürlenýär. Bu kompaniýa dünýäniň dürli künjeklerinden Gazagystana haly we haly önümleriniň gaýtalanmajak asyl nusgalaryny getirip, ýokary hilli halylaryň söwdasy bilen meşgullanýar.
Türkmenistanly ussatlar öz işleriniň Merkezi Aziýanyň senetçileriniň katalogyna goşulmagy üçin ýüz tutma tabşyryp bilerler. Bu barada USAID-iň Merkezi Aziýada söwda boýunça Maksatnamasynda aýdylýar.
Türkmen işewürliginiň wekilleri 16-17-nji fewralda Hytaýyň Sindao şäherinde geçirilýän senagat we maýa goýum hyzmatdaşlygynyň «HHR+Merkezi Aziýa» formatdaky Forumyna gatnaşýarlar – diýip, vz.ru. habar berýär.
Italiýanyň «Spesiniň» özbek hüjümçisi Eldor Şomurodow Merkezi Aziýa sebitine wekilçilik edýän, ýöne daşary ýurt çempionatlarynda çykyş edýän iň gymmat futbolçy diýlip ykrar edildi (7 mln ýewro).
Türkiýäniň öňdebaryjy telewizion we radioýaýlymlarynyň göni ýaýlymynda we goňşy döwletleriň birnäçesinde «Türkiýe – bir ýürek» şygary bilen çäre geçirilýär – diýip, Anadolu agentligi habar berýär.
Gawaýda Kilauea patlawugy oýandy we atylyp başlady. Patlawugyň atylmagy magnitudasy 4,8 balla deň bolan ýer titremäniň bolmagyna getirdi – diýip, ABŞ-nyň Geologiýa gullugynyň maglumatyna salgylanyp, Rambler habar berýär.
BMG-niň bilim, ylym we medeniýet meseleleri boýunça (ÝUNESKO) Baş direktory Odri Azule sanly bilimiň hiç wagt baryp okalýan okuwyň ýerini tutmajakdygyny beýan etdi – diýip, Hytaýda geçirilen sanly transformasiýalar boýunça Halkara maslahatynyň netijeleri boýunça TV BRICS habar beýär.
