Merkezi Aziýanyň iň gymmat futbolçysy belli boldy
Italiýanyň «Spesiniň» özbek hüjümçisi Eldor Şomurodow Merkezi Aziýa sebitine wekilçilik edýän, ýöne daşary ýurt çempionatlarynda çykyş edýän iň gymmat futbolçy diýlip ykrar edildi (7 mln ýewro).
Bu barada Transfermarkt.de. abraýly nemes portalynyň reýtinginde habar berilýär.
Ikinji ýerde Moskwanyň «SSKA» toparynda çykyş edýän gazagystanly ýarym goragçy Bahtiýor Zeýnutdinow gelýär – 5 mln ýewro. Liderleriň üçlügini saudlylaryň «Al-Nasr» toparynda çykyş edýän özbek hüjümçisi Jaloliddin Maşaripow jemleýär (2,5 mln ýewro).
Olardan başga-da, Dubaýyň «Şabib-Al-Ahli» toparynyň özbek ýarym goragçysy Azizjon Ganiýew (2 mln ýewro) we türkleriň «Fatih» toparyndan ýygyndy boýunça onuň hyzmatdaşy Otabek Şukurow (2 mln ýewro) sanawy doldurdylar. Iň ýokarky 10-lyga aşakdakylar girdiler:
—Igor Sergeýew (Özbegistan, Gazagystanyň «Tobolynyň» hüjümçisi) – 1,4 mln ýewro
—Nurali Alip (Gazagystan, Russiýanyň «Zenit» klubynyň goragçysy) — 1,2 mln ýewro,
—Aleksandr Merkel (Gazagystan, türkleriň «Gaziantep» klubynyň ýarym goragçysy) — 1 mln ýewro,
—Marat Basarow (Gazagystan, Russiýanyň «Ahmat» toparynyň goragçysy) — 1 mln ýewro,
—Ibrohimhalil Ýuldaşew (Özbegistan, Russiýanyň «Nižniý Nowgorod» klubynyň goragçysy) — 900 müň. ýewro.
Şeýlelik bilen, reýtinge Özbegistanyň alty futbolçysy we Gazagystanyň dört oýunçysy girdiler.
ORIENT habarlar
