Türkmenistan, Azerbaýjan we Türkiýe awtoulagda ýük daşaýjylarynyň işini kämilleşdirmek üçin wiza bermegiň gurallaryny ösdürmegi maksat edinýärler. Bu başlangyç üç ýurduň ulag edaralarynyňýolbaşçylarynyň Awazada döwlet baştutanlarynyň sammitiniň öňüsyrasynda geçirilen maslahatynda ara alnyp maslahatlaşyldy. Bu barada TDH agentligi habar berdi.
Türkmenistanyň maliýe we ykdysadyýet toplumynyň binasynda Maliýe we ykdysadyýet ministri Muhammetgeldi Serdarow bilen Belgiýanyň «Diplomatic world» žurnalynyň esaslandyryjysy we prezidenti Barbara Ditrih we neşiriň taslamasynyňmenejeri Alberto Turkstra bilen duşuşyk geçirildi.
Baku Ýerewan bilen özara bähbitli hyzmatdaşlygy ýola goýmaga taýýardygyny we eýýäm iki ýurduň arasyndaky gatnaşyklary ýola goýmak baradaky şertnamanyň täzelenen tekstini Ermenistana iberipdir. Bu barada Azerbaýjanyň Daşary işler ministri Jeýhun Baýramow Türkmenistanyň we Türkiýäniň Daşary işler ministrleri bilen Awazada geçirilen duşuşygynda belledi. Bu barada TASS agentligi habar berýär.
Amerikanyň «Climate Compass» kompaniýasy Türkmenistan bilen tebigy gaz ýitgilerini ýüze çykarmak we azaltmak ugrunda işleşmäge gyzyklanma bildirdi. Bu ugurda hyzmatdaşlygyň mümkinçiligi Türkmen-amerikan işewürlikforumynda ara alnyp maslahatlaşyldy – diýip, ORIENT-iň habarçysy habar berýär.
Türkmenistan Türki döwletleriň guramasynyň (TDG) çärelerini we ýokary derejedäki duşuşyklary geçirmäge gyzyklanma bildirýär. Bu barada anna güni geçirilen Türkmenistanyň Ministrler Kabinetiniň giňişleýin mejlisinde Prezident Serdar Berdimuhamedow nygtady – diýip, TDH agentligi ýazýar.
Argentinanyň we Fransiýanyň milli ýygyndylary Katarda geçiriljek dünýä çempionatynyň jemleýji tapgyrynda oýnarlar. Jemleýji oýun 18-nji dekabrda Lusail stadionynda geçiriler.
“Biz üç ýurduň bähbidi üçin türkmen gazy boýunça bilelikdäki ädimleri ätmäge taýýar we bu mesele boýunça iş toparyny döretmek kararyna geldik. Energetika babatda hyzmatdaşlygy mundan beýläk-de ösdürmek hakynda Türkmenistanyň, Azerbaýjanyň we Türkiýäniň hökümetleriniň arasynda gol çekilen özara düşünişmek hakynda Ähtnama iş toparynyň döredilmegi üçin zerur binýat bolup durýar" – diýip, CNN türk teleýaýlymy öz saýtynda Çawuşoglunyň sözlerini getirýär.
Türkmenabat şäherinde Gidrometereologiýa gullugynyň Aşgabatda we ýurdumyzyň welaýatlarynda işleýän hünärmenleri, şeýle hem Türkmenistanyň Oba hojalyk we daşky gurşawy goramak ministrliginiň, BMGÖM-niň we Ýaşyl howa gaznasynyň bilermenleri praktiki okuw maslahatynda derýalaryň, kölleriň hem-de suw howdanlarynyň giňişliklerinde olaryň suwlarynyň ýagdaýyna gözegçilik etmäge hyzmat edýän gidrologiý enjamlaryny we abzallary nähili ulanmalydygyny ara alyp maslahatlaşdylar. Duşuşyk ussatlyk sapagy görnüşinde geçdi. Alnan nazaryýet bilimleri amaly ýagdaýda işlenildi, tälimçi hökmünde bolsa OTT Hydromet GmbH german kompaniýasyna wekilçilik edýän BMGÖM-den halkaara derejeli bilermen Li Gardner çykyş etdi. Ol okuw maslahatyna gatnaşajylara suwuň akyşynyň tizligini hem-de uly we kiçi derýalarda suwuň sarp edilişini ölçemek üçin häirki zaman gurallarynyň nähili işleýändigini gürrüň berdi we görkezdi. Maslahatyň okuwlary suwaryş kanalynda – Amyderýanyň suwlary bilen suwlylandyrylýan hem-de Çärjew we Dänew etraplarynyň topargyny suwarmek üçin döredilen emeli suw desgasynda geçirildi. Bu ýerde okuwa gatnaşyjylar OTT QReview programma üpjünçiliginiň kömegi bilen maglumatlary işlemek boýunça alan bilimlerini iş ýüzünde ulandylar. Bu häzirki zaman gidrologiýa abzallarynyň ulanylmagy Gidrometereologiýa gullugynyň işgärlerine gündelik görkezijileri toplamak we bu maglumatlary sanly arhiwlerde elektron görnüşde saklamak boýunça çylşyrymly işleri ep-esli ýeňilleşdirer. Türkmenabatdaky duşuşyk “Türkmenistanda uýgunlaşmagyň meýilleşdiririlmeginiň milli işiniň ösüşi” taslamasynyň çäklerinde guralyp, ol edralaryň kuwwatyny hem-de hünärmenleriň, hususan-da, Türkmenistanyň Oba hojalyk we daşky gurşawy goramak ministrliginiň ýanyndaky Gidrometereologiýa gullugynyň işgärleriniň hünär derejesini ýokarlandyrmaga gönükdirilendir. Edaranyň işgärleri milli ykdysadyýetiň oba hojalyk we suw ulgamlarynyň howanyň üýtgemegine uýganlaşmagyny meýilleşdirmek bilen meşgullanýar.
Türkmenistan Azerbaýjana 614 million kub metrden gowrak, takmynan 80 million dollarlyk tebigy gazy eksport etdi, bu respublika mawy ýangyç importynyň düzüminde 90göterimden gowragydyr – diýip, energetika täzelikleri boýunça turan.az saýtynyň habarynda aýdylýar.
“Gaz bilen üpjün etmegiň ugurlarynyň diwersifikasiýasy we olaryň netijeli işlemegi köptaraplaýyn gyzyklanmalary göz öňünde tutýan anyk we takyk standartlara, şeýle-de ygtybarlylyk hem-de howpsuzlyk kepillendirmelerine daýanmalydyr. Tebigy gazy Türkmenistandan we Azerbaýjandan Türkiýä, soňra bolsa dünýä bazarlaryna ibermek boýunça hyzmatdaşlygy ýola goýmak baradaky başlangyçlara hut şu nukdaýnazardan garalmalydyr - diýip, Türkmenistanyň Prezidenti Serdar Berdimuhamedow çarşenbe güni Ylham Alyýew bilen Rejep Taýyp Ärdoganyň gatnaşmagynda geçirilen duşuşygyň dowamynda nygtap geçdi.
Türkmenistanyň Prezidenti Serdar Berdimuhamedow Annamyrat Saryýewi Aşgabat şäher kazyýetiniň kazysy wezipesine bellemek hakynda Permana gol çekip, ony Mary welaýatynyň Baýramaly şäher kazyýetiniň başlygy wezipesinden boşatdy.
Prezidentimiz Serdar Berdimuhamedow milli sanly tory döretmegiň Konsepsiýasyny işläp taýýarlamak boýunça iş toparyny döretmek baradaky Karara gol çekdi – diýip, TDH agentligi habar berýär.
Ýakynda, 2022-nji ýylda geçiriljek ilat we ýaşaýyş jaý gorunyň uçdantutma ýazuwynyň maglumat berişwe wagyz-nesihat kampaniýasynyň çäklerinde Türkmenistanyň Statistika baradaky döwlet komiteti birnäçe düşündiriş beriji wideo ýazgylary çykardy.
Türkiýäniň prezidintiniň maşgalasy Emine Ärdogan we Azerbaýjanyň prezidentiniň maşgalasy Mihriban Aliýewa Türkmenistanyň parlamentiniň wekiller palatasynyň başlygy Gurbanguly Berdimuhamedowyň maşgalasy Ogulgerek Berdimuhamedowanyň olaryň ýanynda bolmagy bilen türkmen senetçiliginiň sergisine bardylar.
ABŞ-nyň Türkmenistandaky ilçihanasy 9, 10 we 11-nji synp okuwçylaryny Amerikanyň kollejlerinde we uniwersitetlerinde okamak üçin zerur maglumatlary taýýarlamak we almak boýunça talyplara maslahat beriş maksatnamasyna (UCA) gatnaşmaga çagyrýar – diýip, programmanyň resmi saýty habar berýär.
