Türkmenistanyň Prezidenti Serdar Berdimuhamedowyň adyna gelen mähirli gutlaglar
Hormatly Prezidentimiz Serdar Berdimuhamedowyň adyna Birleşen Milletler Guramasynyň Baş Assambleýasy tarapyndan Türkmenistanyň başlangyjy bilen “Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkeziniň orny” atly Kararnamanyň biragyzdan kabul edilmegi mynasybetli gutlag hatlary we telegrammalar gelip gowuşýar.
Hatlary we gutlaglary iberenler döwlet Baştutanymyzy tüýs ýürekden gutlaýarlar hem-de hormatly Prezidentimize berk jan saglyk, uzak ömür, Watanymyzyň mundan beýläk-de gülläp ösmeginiň bähbidine alyp barýan giň gerimli işlerinde uly üstünlikleri arzuw edýärler.
Şanly waka mynasybetli hormatly Prezidentimizi türkmen halkynyň Milli Lideri, Gurbanguly Berdimuhamedow gutlady.
Hormatly Prezidentimiz Serdar Berdimuhamedowy Mejlisiň deputatlarynyň adyndan G.Mämmedowa gutlady.
Hormatly Prezidentimize Ministrler Kabinetiniň Başlygynyň orunbasarlary, şeýle hem Ministrler Kabinetiniň ýanyndaky Ulag we kommunikasiýalar agentliginiň Baş direktory tüýs ýürekden öz gutlaglaryny iberdiler.
Hormatly Prezidentimiz Serdar Berdimuhamedowy şanly waka mynasybetli ýurdumyzyň ýaşaýjylarynyň adyndan welaýat häkimleri hem-de Aşgabat şäheriniň häkimi gutladylar.
Döwlet Baştutanymyza ýurdumyzyň harby we hukuk goraýjy edaralarynyň ýolbaşçylary iň gowy arzuwlaryny iberdiler.
