Ysraýylyň Daşary işler ministrliginiň Ýewraziýa departamentiniň müdiri iş sapary bilen Aşgabat şäherine geldi
Mart 01, 2023 | 03:42 |6703
Türkmenistanyň Daşary işler ministrliginde Aşgabat şäherine iş sapary bilen gelen Ysraýylyň Daşary işler ministrliginiň Ýewraziýa we Günbatar Balkanlary departamentiniň müdiri Ýuwal Fuhsah bilen duşuşyk geçirildi.
Sişenbe güni Türkmenistanyň Daşary işler ministriniň orunbasary Berdinyýaz Mätiýew ysraýylly kärdeşi bilen gepleşik geçirdi. Diplomatlar syýasy-diplomatik, söwda-ykdysady we gumanitar ugurlarda ikitaraplaýyn hyzmatdaşlygy giňeltmek bilen baglanyşykly meseleleriň giň gerimine garadylar. Türkmenistanyň DIM-niň metbugat gullugynyň berýän habaryna görä, taraplar abraýly halkara we sebit guramalarynyň çäklerinde köptaraplaýyn hyzmatdaşlygyň oňyn tejribesini bellediler.
ORIENT news
