Türkmenistandan Türkiýä ýene-de 8 tonnadan gowrak ynsanperwerlik ýük ugradyldy
Lukmançylyk serişdelerini, gyşky egin-eşikleri we krowatlary öz içine alýan 8,6 tonna ynsanperwerlik ýüki Türkmenistandan Türkiýäniň ýer titremede ejir çeken etraplaryna 28-nji fewralda ugradyldy – diýip, Türkiýäniň Türkmenistandaky ilçisi Togan Oral Twitterde habar berdi.
Ynsanperwerlik kömegi Türkmenistanyň Zenanlar birleşmesiniň we Türkiýäniň ilçihanasynyň goldamagynda ýük awtoulagy arkaly ugradyldy.
Ozal edil şol gün Türkiýä Aşgabatdan uçar arkaly 1100 ýyly ýorgan we 89 krowat ugradyldy, olar meýletinçiler we Türkmenistanyň Gyzyl Ýarymaý Milli jemgyýeti (TGÝMJ) tarapyndan ýygnalypdy.
24-nji fewralda TGÝMG-niň, haýyr-sahawat guramalarynyň we meýletinçileriň goldamagynda Türkiýäniň ýer titremeden ejir çeken welaýatlaryna 100 krowat we 60 sany ýyladyjy ugradylypdy.
ORIENT habarlar
