Dubaýda Atlantis The Royal ady bilen planetada iň gymmat myhmanhana açyldy, onuň gurluşygy $1,5 mlrd diýlip bahalandyrylýar. Onuň açylyşynda aýdymçy Beýons çykyş etdi we çykyşy üçin $24 mln aldy - diýip, Rambler.news habar berýär.
Türkmenistandan ýaş matematik, Aşgabadyň 87-nji ýöritleşdirilen mekdebiniň okuwçysy Rejepmämmet Babyşow World Mathematics Team Championship internet-olimpiadasynda altyn medal gazandy – diýip, resmi türkmen metbugaty ýazýar.
Şu hepdäniň birinji ýarymynda Türkmenistanda aýazly howanyň saklanmagyna garamazdan, ýanwaryň ahyrynda howanyň maýlamagyna garaşylýar – diýip, “Meteožurnal” habar berýär.
Alymlaryň halkara topary Antarktidada geçirilen gözlegleriň netijesinde 5 sany meteoriti ýüze çykardylar, olaryň biriniň agramy 7,6 kg bolup, ol soňky ýüz ýyllykda tapylan uly meteoritleriň biridir- diýip, phys.org habar berýär.
Amsterdamda merkezi demirýol menziliniň golaýynda naýbaşy inženerçilik çözgütlerini özünde jemleýän 7000 welosiped üçin suwasty duralga peýda boldy. 26-njy ýanwarda şäheriň kanallarynyň we gezelenç üçin niýetlenen gaýyklarynyň aşagynda ýerleşýän bu üýtgeşik täsin desganyň resmi açylyşy bolar.
Bu çäre Angliýada 2023-nji ýylyň 6-8-nji maýynda Westmin abbatlygynda geçiriler. Bukingem köşgüniň habar bermegine görä, Çarlz III-iň täç geýdiriş dabarasyna iki müň adam gatnaşar. Ýeri gelende, 1953-nji ýylda Elizelizaweta II-iň täç geýdiriş dabarasyna sekiz müň adam gatnaşypdy.
Türkmenistanyň wekilleri täsirli zenanlaryň Eýranda geçirilýän birinji halkara Maslahatyna gatnaşýarlar – diýip, Eýranyň Maglumatlar agentligi habar berýär.
Arkadag şäherinde Ahal welaýatynyň baş metjidiniň düýbüniň tutulyş dabarasy boldy - diýip, bu çärä gatnaşan Tatarystan Respublikasynyň prezidentiniň resmi saýty habar berýär.
Türkmenistan we Astrahan oblasty Hazar hünär derejesiniň reýestrini döretmeklige gatnaşyp bilerler, ol ýerli iş berijileriň ýörite okuw mekdepleri üçin hünär bilim maksatnamalaryny işläp düzmäge gatnaşmaklaryny göz öňünde tutýar. Öz gezeginde, talyplar hem Türkmenistanda, şeýle hem Astrahanda hereket edýän kärhanalarda degişli başarnyklary ednip bilerler.
Russiýanyň premýer-ministri Mihail Mişustin Türkmenistanyň paýtagtynda A.S.Puşkin adyndaky bilelikdäki orta umumybilim berýän türkmen-rus mekdebine baryp görüp, Aşgabadyň gözelliginiň özüni haýran galdyrandygyny aýtdy. Bu barada RIA nowosti habar berýär.
Özbegistanda ilkinji gezek siýam ekizlerini aýyrmak boýunça üstünlikli operasiýa geçirildi. Gyrgyzystanly bäş aýlyk ekizleriň ene-atasy Daşkentdäki Respublikan perinatal merkezinde neonatal hirurgiýa üçin okuw-bejeriş-usulyýet merkezine ýüz tutdular, bu ýerde özbek hirurglary çylşyrymly lukmançylyk amallaryny ýerine ýetirdiler - diýip, ýurduň Saglyk ministrliginiň Telegram kanaly habar berýär.
Russiýanyň hökümet başlygy Mihail Mişustin wise-premýer Marat Husnulline we Bilim ministri Sergeý Krawsowa Aşgabatdaky Puşkin adyndaky türkmen-rus orta bilim mekdebini giňeltmek meselesini çözmegi tabşyrdy. Bu barada RIA Nowosti habar berýär.
Şeýle maglumatlar penşenbe güni Aşgabatda Tatarstan Respublikasynyň baştutany Rustam Minnihanowyň Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşygynda mälim edildi. Rustam Minnihanow Türkmenistan bilen Tatarstanyň bilim we gumanitar ugurlardaky hyzmatdaşlygynyň geljeginiň ulydygyny belläp, ony döwlet derejesine çykarmagyň zerurdygyny aýtdy.
Russiýa Türkmenistanda Aurus awtoulaglaryny öňe ilerleder diýip, penşenbe güni Aşgabatda wise-premýer, Tatarystanyň senagat we söwda ministri Olag Korobçenko aýtdy. Ol Türkmen-rus işewürlik-forumyna gatnaşýar.
Fransuz monah zenan Lýusil Randon - dünýädäki iň garry adam - 118 ýaşynda Tulonda aradan çykdy. Bu barada köpçülikleýin habar beriş serişdeleri «Frans-Presse» salgylanyp, habar berýärler.
