Amsterdamda 7000 welosipedlik suwasty duralga guruldy
Amsterdamda merkezi demirýol menziliniň golaýynda naýbaşy inženerçilik çözgütlerini özünde jemleýän 7000 welosiped üçin suwasty duralga peýda boldy. 26-njy ýanwarda şäheriň kanallarynyň we gezelenç üçin niýetlenen gaýyklarynyň aşagynda ýerleşýän bu üýtgeşik täsin desganyň resmi açylyşy bolar.
Taslamanyň bahasy 60 million dollar. Suwasty welosiped duralgasynyň gurluşygy 2019-njy ýylda başlandy. Duralgada boş ýerleriň bardygyny ýa-da ýokdugyny görkezýän gyzyl we ýaşyl yşyklar bar we aprel aýyndan başlap, bu dinamiki ulgam haýsy ýerde iki tigirli ulagy wagtlaýyn saklamak üçin ýerleşdirip boljakdygyny hem görkezip başlar.
Şeýlelik bilen, Amsterdamyň ýolbaşçylary Gollandiýada derwaýys meseleleriň biri - welosiped duralgasy meselesini çözmäge synanyşýarlar. Häzirki wagtda Amsterdamyň 835,000 ýaşaýjysy tigir bir günde ortaça 665,000 sapar belli aralyklary geçýärler, bu bolsa şäherdäki umumy hereketiň 36 göterimini düzýär. Awtoulaglar üçin bu görkeziji bary-ýogy 24%.
Bu suwasty duralgalaryň kömegi bilen köplenç ýolagçylar tarapyndan şäheriň kenarýakasynda taşlanýan müňlerçe welosiped ýygnalar. Tigirleri duralgada bir gije-gündiz üçin mugt ýerleşdirmek mümkin, soň bolsa bir gün üçin 1,35 ýewro töleg etmeli. Mundan başga-da, ýönekeýleşdirilen duralga ulgamy şäheriň köpçülik ýerlerini pyýadalara we jahankeşdelere gaýdyp berer, häzirki wagtda bu ýerlerde howlukmaç eýeleri tarapyndan galdyrylan posly welosipedler köp göze ilýär.
ORIENT news
