Türkmenistanyň Belgiýadaky ilçihanasy Brýusselde Bütindünýä welosiped güni mynasybetli köpçülikleýin welosiped ýörişini guraýar. Ilçihanada: "Bu her ýyl geçirilýän çäre sagdyn durmuş ýörelgesini, daşky gurşawy goramak düşünjesini, halklaryň arasyndaky dost-doganlyk ruhuny kämilleşdirmek üçin ajaýyp mümkinçilikdir" – diýip bellediler.
Türkmenistanyň Oguzhan adyndaky inžener-tehnologiýalar uniwersitetiniň mugallymlary we talyplary Aşgabadyň we ýurduň welaýatlarynyň gutardyş synplarynyň okuwçylary üçin tanyşdyrylyş we hünäre ugrukdyrmak duşuşyklaryny geçirdiler.
Türkmenistanyň we Özbegistanyň gümrük gulluklarynyň bilermenleri daşary söwda statistikasynyň maglumatlarynyň emele gelişini, şeýle hem bu babatda hyzmatdaşlyk etmegiň mundan beýläkki mehanizmlerini ara alyp maslahatlaşdylar – diýip, Türkmenistanyň Döwlet gümrük gullugynyň saýty habar berýär.
Türkmenistanyň Inžener-tehniki we ulag kommunikasiýalary instituty suratlandyryjy geometriýa we grafika boýunça Birinji halkara internet-olimpiadasynyň jemlerini jemlediler, onda türkmen talyplary 8 sany altyn medal gazandylar.
Türkmenistandan kinematografistleriň hünär derejeli we höwesjeň toparlary gysga metražly filmleriň «48 sagatda düşürmeli» bäsleşigine gatnaşmaga çagyrylýar.
Aşgabatda 22-nji maýdan 24-nji maý aralygynda serhetaşa jenaýatlar boýunça derňewçiler üçin seminar geçirildi. Bu okuw Merkezi Aziýada Serhet dolandyryşyna ýardam maksatnamasy (BOMCA 10) tarapyndan gurnaldy we BOMCA 10 tarapyndan Merkezi Aziýada geçirilen bäşinji seminar boldy. Şuňa meňzeş çäreler öň Gazagystanda, Gyrgyzystanda, Täjigistanda we Özbegistanda geçirilipdi.
Ýewraziýa Ykdysady Bileleşiginiň ýurtlary bileleşigiň çäklerinde Ýewropanyň bilim maksatnamalaryna meňzeş akademiki alyş-çalyş programmalaryny döredip bilerler. Bu barada Ýewraziýa Ykdysady Komissiýasynyň senagat we agrosenagat toplumy boýunça geňeşiniň agzasy Artak Kamalýan Moskwada geçirilen Ýewraziýa ykdysady forumynda aýtdy – diýip, Sputnik Gazagystan agentligi habar berdi.
Hindistanyň Türkmenistandaky ilçihanasy Hindistanda AYUSH dersleri boýunça okamak we 2023-2024-nji ýyllarda bakalawr, aspirantura we doktorlyk derejelerini almak üçin stipendiýa maksatnamasyna kabul edişligiň açylandygyny habar berýär.
Wikipediýanyň täze görnüşiniň döredilmegi baradaky habar Russiýanyň internet forumynda Döwlet Dumasynyň deputaty Anton Gorelkin tarapyndan yglan edildi. "Ruviki" atly çeşme rus serwerlerinde ýerleşip, ol ýuridik şahs tarapyndan dolandyrylar - diýip, RIA Nowosti habar berýär.
Türkmenistanyň, Gazagystanyň, Gyrgyzystanyň, Täjigistanyň we Özbegistanyň habarlar agentlikleriniň ýolbaşçylary çarşenbe güni, 24-nji maýda Pekinde, Halk mejlisler öýünde, Hytaý Kommunistik partiýasynyň ýokary derejeli işgäri, Syýasy býuronyň agzasy we Hytaý Kommunistik partiýasynyň Merkezi komitetiniň wagyz bölüminiň başlygy Li Şuleý bilen duşuşdy.
Awaza Milli syýahatçylyk zolagynda «Awaza-2023» atly Halkara tans we folklor festiwaly geçer. Öňde boljak medeni çäre 13-16-njy iýunda bolar.
Türkmen futbolçysy, «Kitçiniň» ýarym goragçysy Ruslan Mingazow 2022/23-nji ýylyň futbol möwsüminiň jemleri boýunça Gonkongyň çempionatynyň iň gowy oýunçysy diýlip ykrar edildi.
Aşgabatda Adam hukuklary boýunça mekdebiň çäklerinde maýyplygy bolan ýaşlar üçin okuwlar geçýär. Adam hukuklary boýunça Ýokary komissarlygyň Merkezi Aziýa müdirliginiň Sebit bölüminiň howandarlygynda guralýan okuw kurslary 18 sany ýaş adamlary BMG-niň Adam hukuklary hakynda Konwensiýasy, onuň düzgünleri bilen, şeýle hem maýyplygy bolan adamlaryň hukuklaryny goramakdaky esasy çemeleşmeler bilen tanyşdyrýar.
Söwda-senagat edarasynyň sergi merkezinde Türkmenistanyň paýtagtynyň gününe bagyşlanan «Ak şäherim Aşgabat» atly 12-nji köpugurly halkara sergisi açyldy.
Sişenbe güni Günorta Koreýanyň günbataryndaky Çhunçhon-Hamdo welaýatynyň Sanmun uniwersitetiniň şäherçesindäki halkara mejlisler binasynda "Chungnam-Central Asia innowasion zehinleri ösdürmek boýunça sebitleýin taslama" badalga aldy. Ylalaşyga gol çekişlik dabarasyna ýerli häkimýetler, uniwersitetler we senagat kompaniýalary, Merkezi Aziýanyň bäş ýurdunyň ilçihanalarynyň wekilleri gatnaşdylar.
